SE DURMO só déitome poñendo música no Spotify. Deixo que soe mentres vou perdendo o sentido e esvaecendo a vida consciente. A Triloxía de Berlín esténdese durante case dúas horas, así que o habitual é que quede durmido antes de que acabe.

Está integrada polos discos Low (1977), Heroes (1977) e Lodger (1979). David Bowie andaba drogándose a eito nos Ánxeles. Entendeu que perdería a vida e consciencia se continuaba facéndoo. Colleu polos colares a  Iggy Pop e e máis o produtor Tony Visconti. Os tres marcharon a un castelo de Francia. Eran ionquis, pero non pobres.

Instaláronse no Château d’Hérouville, onde Frédèric Chopin botara temporadas. De feito, Bowie sentía a presenza do fantasma do pianista no dormitorio principal. Nun principio cambiou de habitación, pero colleu tanto medo que o trío acabou por marchar.

Estiven lendo estes días Todos siguen aquí (Feltrinelli), un libro de contos da irlandesa Liadan Ní Chuin. É un seudónimo feminino. Os fantasmas que atravesan a obra son presenzas entendidas no sentido habitual ou no dos recordos de finados. No primeiro relato, Vamos todos, hai una nai que afirma que ve un fantasma. Defíneo como "sorrinte". Os seus fillos desconfían: "Os espíritos unicamente son interesantes se non tes un propio". Ní........

© Galiciaé