Münacât

Fuzûlî (Bağdat?, 1483 – Kerbelâ, 1556)

1 Yâ Rab hemîşe lutfunu kıl reh-nümâ bana

Gösterme ol tarîkı ki yetmez sana bana

2 Kat’ eyle âşnâlığım andan ki gayrdır

Ancak öz âşnâların et âşnâ bana

3 Bir yerde sâbit et kadem-i i’tibârımı

Kim reh-ber-i şerîat ola muktedâ bana

4 Yok bende bir amel sana şâyeste âh eğer

A’mâlime göre vere adlin cezâ bana

5 Havf u hatâda muztaribim var ümîd kim

Lutfun vere beşâret-i afv-i hatâ bana

6 Ben bilmezem bana gereğin sen hakîmsin

Men’ eyle verme her ne gerekmez bana bana

7 Habs-i hevâda koyma Fuzûlî-sıfat esîr

Yâ rab hidâyet eyle tarîk-ı fenâ bana

1 Ya Rab daima bağışını........

© İnsaniyet