سنتا جا شرماتا جا، دیکھ تیرے ملک میں کیا کیا ہورہا ہے پی ٹی آئی کے بانی عمران خان کی ، آئی ایم ایف کو ملکی الیکشن میں مداخلت کی دعوت اور تیس فیصد آ ڈٹ تک فنڈ روکنے کا مطالبہ ، جس کا نتیجہ ملکی تباہی کے علاوہ کچھ بھی نہیں ہے۔ دوسری طرف آئی ایم ایف کو بھی یقین ہوگیا کہ پاکستان کے سیاستدان اور دیگر ادارے مال بنانے اور حکومتیں بنانے اور جوڑ توڑ کے علاوہ ملک میں کوئی انقلابی کام کرنے کی خواہش یا کوشش نہیں کرتےتو جس ملک کے سیاستدانوں اور دیگر اداروں کو ملک کی پروا نہیں اور قرضوں پر قرضے لیے جارہے ہیں، ایسے میں بہتر یہی کہ ان کے ساتھ وہ ہی کیا جائے جس سے عوام خود کشی کرنے پر مجبور ہوجائیں۔ شنید یہ ہے کہ وزارت توانائی کی طرف سے تجویز کردہ گردشی قرضوں میں کمی اور ٹیرف میں کمی کے منصوبوں کو آئی ایم ایف نے مسترد کر دیا ہے۔ آئی ایم ایف ان منصوبوں کی حمایت کرنے کو تیار نہیں۔ اگرچہ ٹیرف میں کمی کے منصوبے پر کوئی ابہام نہیں، تاہم وزارت پیٹرولیم کی جانب سے گردشی قرضوں میں کمی کے منصوبے پر متضاد اطلاعات تھیں، آئی ایم ایف ڈو مور کا مطالبہ کرتا ہے جتنا کردو کم ہے۔ وہ چاہتا ہے کہ ایسی اصلاحات کی جائیں جن سے بجلی بلوں کی مکمل ریکوری یقینی بنائے جائے ساتھ ساتھ کسی قسم کی سبسڈی یا رعایت کسی کو نہ دی جائے۔ ملک میں توانائی کا بحران کبھی حل ہوتے دکھائی کیوں نہیں دیتا۔ کیا وجہ ہے کہ لوگ بجلی چوری کرتے ہیں اور انھیں کوئی پکڑتا نہیں۔ لائن لاسز بھی ایک عجیب مسئلہ ہے۔ اگر ٹرانسمیشن لائنیں کام صحیح نہیں کررہی ہیں تو ان سے مکمل چھٹکارا پانے میں اتنا وقت کیوں لگ رہا ہے۔ بجلی مہنگی کر کر کے حکومت تھک چکی ہوگی مگر گردشی قرضہ پھر بھی بڑھ رہا ہے۔ آخر کیوں ؟ دوسری طرف بجلی تقسیم کار کمپنیاں جس کو چاہیں جتنا بل بھیج دیں کوئی پوچھنے........

© Daily Jang