پرتگال بحر اوقیانوس کے کنارے جنوب مغربی یورپ میں آباد ایک خوبصورت ملک ہے ۔پرتگال کے مشرق اور شمال میں اسپین آباد ہے۔رقبے کے اعتبار سے دیگر یورپی ممالک کے مقابلے میں اسے قدرے چھوٹا ملک کہا جا سکتا ہے لیکن جغرافیائی اعتبار سے اس کی اہمیت کئی یورپی ممالک سے بھی زیادہ ہے۔قدیم زمانہ میں یورپ کے لیے اسی ملک کو گزرگاہ کے طور پر استعمال کیا جاتا تھا۔ماضی میں پرتگال ایک طاقتور سمندری ملک تھا جو اپنے جدید ذرائع تجارت اور ذرائع آمد و رفت کے حوالے سے پہچانا جاتا تھا۔واسکوڈے گاما،فرڈینینڈمیگلن انہی راہوں کے مسافر تھے۔ اور یہی وجہ ہے کہ یہاں کی معاشرت میں مختلف تہذیبوں کے اثرات نمایاں نظر آتے ہیں۔تاریخی اعتبار سے یہ علاقہ مسلم اسپین کا حصہ رہا تا ہم یہاں رومیوں کے دور کی آبادیاں اور ان کے شہروں کے اثرات بھی ملتے ہیں۔868 عیسوی میں مسلم حکومت ختم ہوئی اور پرتگال ایک مکمل عیسائی ریاست میں تبدیل ہوا۔1139 یہاں ایک شاہی ریاست قائم کی گئی جو طویل عرصہ قائم رہی۔1910 پرتگال نے جمہوریت کی شاہراہ پر سفر شروع کیا جس پر وہ آج تک گامزن ہے۔ پرتگال یورپ کے قدیم ترین ممالک میں شامل ہے اس کی تاریخ صدیوں پرانی ہے اور اس کا مخصوص پرتگالی ثقافتی ورثہ، اس کی زبان، فن تعمیر،سمندر اور دریافتوں کے حوالے سے یہ قدیم ترین ممالک میں شامل ہے۔یہاں کے شہر لزبن میں دنیا کا قدیم ترین کتاب گھر ہے۔ یہ تاریخی مقام 1732 عیسوی میں کھولا گیا۔یہاں دنیا کی قدیم ترین یونیورسٹی کوئمبرا بھی موجود ہے جسے 1290میں قائم کیا گیا تھا یہ یونیسکو کے عالمی ثقافتی ورثہ میں بھی شامل ہے۔یہیں پر ایک قدیم جوانینا لائبریری بھی ہے جہاں مجھے بھی جانے کا موقع ملا۔یہ ادارہ اب بھی فکری شان و شوکت کا مرکز ہے۔اس ایک یونیورسٹی کے علاوہ یہاں دنیا کی معروف ترین یونیورسٹیوں کی ایک لمبی لسٹ ہے جو پرتگال میں واقع ہیں۔ایک تحقیق کے........

© Daily Jang