عام انتخابات کے انعقاد میں دوہفتے رہ گئے ہیں، لیکن وہ انتخابی ماحول نہیں بن سکا جو ماضی میں ہونے والے عام انتخابات میں دیکھا گیا۔ سیاسی ماحول پر اداسی چھائی ہوئی ہے سڑکیں ویران ہیں جلسہ گاہیں روایتی رونق سے محروم ہیں،بس مسلم لیگ (ن) اور پیپلز پارٹی اپنے وجود کا احساس دلانے کی کو شش کر رہی ہیں شاید موسم کی شدت جلسوں کے انعقاد میں رکاوٹ بن رہی ہے۔ دوسری طرف انتخابات میں بڑا کھلاڑی ’’بلا‘‘ کہیں نظر نہیں آ رہا، پی ٹی آئی کے امیدواروں کی فہرست تو جاری ہو گئی ہے لیکن پورے ملک میں پی ٹی آئی کا پرچم خال خال ہی نظر آ رہا ہے بظاہر پی ٹی آئی نے عام انتخابات کا بائیکاٹ نہ کرنے کا اعلان کا رکھاہے، عملاً پی ٹی آئی میں صف ماتم بچھی ہوئی ہے اس نےشاید شکست تسلیم کر لی ہے لیکن اڈیالہ جیل میں ’’سرکاری مہمان‘‘ شکست قبول کرنے پر تیار نہیں، انکی سوچ ہے کہ 8فروری کو نوجوان ووٹر پورے جوش و خروش باہر نکلے گا اور بساط الٹ دے گا ’’کپتان‘‘ کے مخالفین کو انکی اس سوچ کا بخوبی علم ہے لیکن ان کا کہنا ہے کہ عام اتخابات کے انعقاد میں چند روز رہ گئے ہیں پی ٹی آئی کی قیادت گھروں سے باہر نہیں نکل سکی اس پر انجانا خوف طاری ہے جس کی وجہ سے انتخابی ماحول نہیں بن پا رہا اڈیالہ جیل سے ’’کپتان‘‘ نے پی ٹی آئی کی قیادت کو جلسے کرنے کی ہدایات جاری کر دی ہیں جبکہ مسلم لیگ (ن)، پیپلز پارٹی، جمعیت علماء اسلام، ایم کیو ایم جلسے جلوس کے ذریعے انتخابی ماحول گرمانے کی کوشش کر ر ہی ہیں لیکن ان سب کا اصل مخالف کھلاڑی میدان میں نظر نہیں آ رہا لہٰذا وہ گہما گہمی نظر نہیں آرہی جو انتخابات کا طرہ امتیاز ہے، عمران خان چو مکھی لڑائی لڑتے لڑتے جیل چلےگئے، انکے بیشتر ساتھی جانیں بچانے کیلئے ڈوبتی کشتی سے چھلانگیں لگا چکے، اب پی ٹی آئی کی قیادت وکلاء کے پاس آ جانے سے وہ کہیں نظر........

© Daily Jang