ووٹنگ کے تازہ ترین اعدادوشمار سے پتہ چلتا ہے کہ پاکستان میں انتخابی صنفی فرق ایک دہائی میں پہلی بار 10ملین سے بھی کم رہ گیا ہے جو کسی کامیابی سے کم نہیں. ریکارڈ پر موجود اعداد و شمار کے مطابق ملک میں ووٹرز کی تعداد 128ملین تک بڑھ گئی ہے، اس میں بطور ووٹر رجسٹرڈ مردوں کی تعداد 69.26ملین ہے جبکہ کل ووٹرز میں خواتین کی تعداد 59.32 ملین ہے. جس سے انتخابی صنفی فرق عددی لحاظ سے 9.94ملین پر مشتمل ہے. جو ایک خوش آئند بات ہے۔ حالیہ جاری کیے گئے اعداد وشمار کے مطابق مرد کل ووٹرز کا تقریباً 53.9فیصد ہیں، جبکہ خواتین ووٹرز کا حصہ 46.1فیصد ہے۔ 2008ء کے انتخابات کے وقت مرد اور خواتین ووٹرز کے درمیان فرق 9.7ملین تھا,جو 2013ء کے انتخابات کے دوران بڑھ کر 11ملین ہو گیا2018ء کے انتخابات کے دوران اس فرق میں مزید اضافہ ہوا، 12.49ملین تک پہنچ گیا نومبر 2021ء میں انتخابی صنفی فرق 11.81ملین رہا، پچھلی دہائی کے بیشتر حصے میں مرد اور خواتین ووٹرز کی تعداد کے درمیان فرق مسلسل بڑھتا چلا گیا اس حوالے سے تازہ جاری کیے گئے اعداد وشمار کافی حوصلہ افزا ہیں۔ خواتین ووٹرز کی کم شرکت کا مسئلہ، تاریخی طور پر، ہمارے جمہوری عمل کو مضبوط کرنے میں ہمیشہ رکاوٹ رہا ہے. خواتین ملک کی تقریباً نصف آبادی پر مشتمل ہیں، اسلئے انتخابی صنفی فرق 10ملین سے نیچے گرنے کے باوجود، مجموعی تصویر اب بھی ایک سنگین مسئلہ ہے۔ملک کے کئی حصوں میں، خاص طور پر خیبرپختونخوا اور سابقہ قبائلی علاقوں میں اور چند بلوچستان کے دور افتادہ علاقوں میں، حالیہ انتخابات کے دوران خواتین کو ووٹ ڈالنے کی........

© Daily Jang