Münâcât
Adlî (II. Bâyezîd)
(Dimetoka? 3 Aralık 1448?-Edirne 26 Mayıs 1512)

1 Hudâyâ Hudâlık Sana yaraşur
Nitekim gedâlık bana yaraşur

2 Çü Sen’sin penâhı cihân halkının
Kamudan Sana ilticâ yaraşur

3 Şeh oldur ki kulluğun etdi Sen’in
Kulun olmayan şeh gedâ yaraşur

4 Şu baş kim Sana secde eylemeye
Şehin-şâh ise zîr ü pâ yaraşur

5 Şu dil kim marîz-i gamındır Sen’in
Ana zikrin ile şifâ yaraşur

6 Şu kim dürr-i gufrânın olmak diler
Gamın bahrine âşinâ yaraşur

7 Eğerçe ki isyânımız çokdurur
Sözümüz yine Rabbenâ yaraşur

8 Ne ümmîd ü ne bîmdir işimiz
Hemân bize havf u recâ yaraşur

9 Eğer adl ile sorasın Adlî’yi
Ukûbatdir ana sezâ yaraşur

10 Sen eyle anı kim Sana yaraşur
Ben etdim anı kim bana yaraşur

11 Şu günde ki bir........

© İnsaniyet