[email protected]

سمجھ میں کچھ نہیں آتا کہ یہ ’’امیر‘‘کون ہیں کیونکہ آج کل سارے لیڈروں کی تو دھنا دھن ان ’’امیروں‘‘پر چل رہی ہیں، ہر ایک منہ میں جھاگ بھر بھر کر دانت پیس پیس کر اور’’مکے‘‘لہرا لہرا کر کہہ رہا ہے کہ اقتدار میں آکر’’امیروں‘‘ کی ایسی کی تیسی کردیں گے اور غریبوں کی ویسی کی ویسی کرکے چارٹر طیارے میں جنت واصل کردیں گے۔

خاص طور پر بلاول تو ان امیروں کے بارے میں بہت زیادہ سخت عزائم کا اظہار کررہا ہے یہاں تک کہ محترمہ حناربانی کھر نے بھی کہا ہے کہ بلاول امیروں کی سبسڈی چھین کر غریبوں کو واپس کردیں گے۔

’’امیر‘‘ تو حناربانی کھر بھی ہیں لیکن شاید ان کو تسلی ہوگی کہ بلاول کے نیک ارادے صرف ’’امیروں‘‘کے بارے میں ہیں اور ’’امیروں‘‘ کو اپنے والا کی طرح سبسڈی پر رکھیں گے۔خیر یہ تو معاملے کی ایک الگ ٹہنی ہے۔

اصل بات ’’امیروں‘‘ کی ہے۔جن کے بارے میں بلاول، ان کے والد اور دوسرے معاونین بے تحاشاگرج رہے ہیں، ہم جیسے آپ کو پتہ ہے،اکیڈمیوں کے مستند اور اداروں کے تربیت یافتہ محقق ہیں، باوجود کوشش کے یہ پتہ نہیں لگا پائے کہ یہ امیر لوگ کون ہیں، کہاں پائے جاتے ہیں اور ان کے خلاف تمام لیڈر بہت ہی خطرناک عزائم کا اظہار کر رہے ہیں بلکہ یہ صرف آج کی یا اس الیکشن کی بات نہیں ہے بلکہ پاکستان کی ابتدا ہی سے سارے لیڈر ان کی ایسی تیسی کرنے پر تلے ہوئے ہیں۔

اور بلاول کی امیروں سے دشمنی تو خاندانی ہے کیونکہ چار پشتوں سے اس خاندان کے لوگ ان امیروں کے درپے ہیں لیکن شاید یہ امیرلوگ........

© Express News