[email protected]

مولانا عبدالسلام نیازی کے پراسرار واقعات کو سمیٹنا ایک کالم میں ممکن نہیں۔ اس لیے قارئین کے لیے کچھ اور واقعات پیش خدمت ہیں۔ یہ واقعات راشد اشرف کی مرتب کردہ کتاب ’’ مولانا عبدالسلام نیازی‘‘ سے اخذ کیے گئے ہیں، اس کتاب میں ایک طویل مضمون طارق مسعود کا شامل ہے۔

سب سے پہلے ملک کے معروف اور منفرد قوال عزیز میاں کا قصہ ہے۔ عزیز میاں بہت پڑھے لکھے اور صاحب علم انسان ہیں، وہ ابن رشد کے نظریات سے بہت زیادہ متاثر تھے۔

اس زمانے میں میاں محمد یٰسین کی محفل میں جب چشتیہ بزرگوں کا تذکرہ ہوتا تو مولانا عبدالسلام کا ذکر بڑی عقیدت سے کیا جاتا۔ عزیز میاں کو ان سے ملنے کا اشتیاق پیدا ہوا۔ عزیز میاں کو شیخ اکبر کی ’’ فتوحات مکیہ‘‘ نے اپنے تحیر کی لپیٹ میں لے لیا۔ مسلمانوں کی اس کتاب کو دنیا بھر میں اپنے موضوع کے اعتبار سے ہر مکتبہ فکر میں سند سمجھا جاتا ہے۔

شیخ اکبر نے اس کتاب میں وحدت الوجود کو اس خوبصورتی اور آسان الفاظ میں بیان کیا ہے کہ فلسفے کا طالب علم اس کا مطالعہ کیے بغیر نہیں رہتا۔ عزیز میاں کو جب ’’ فتوحات مکیہ‘‘ پڑھنے اور سمجھنے کا شوق ہوا تو میاں محمد یٰسین نے انھیں دہلی جانے اور مولانا عبدالسلام نیازی سے ملنے کا مشورہ دیا۔

مولانا صاحب کی عمر اس وقت 90 سے تجاوز کر چکی تھی، آپ مفسر قرآن، محدث اور میدان تصوف کے شاہ سوار تھے۔ کراچی یونیورسٹی کے ڈاکٹر ابوللیث صدیقی، بھارت کے صدر ڈاکٹر ذاکر حسین، جوش ملیح آبادی، مولانا فضل الحق پانی پتی جیسی شخصیات مولانا کے شاگردوں میں شامل تھیں۔ مولانا کے دروازے پر ابوالکلام آزاد جیسی شخصیت بھی دست بستہ کھڑی رہتی تھی۔ ان کے آگے بڑے بڑوں کا پتّا پانی ہوتا تھا۔

عزیز میاں کو جب اذن سفر ملا تو وہ لاہور سے دہلی روانہ ہوئے۔ عزیز میاں دہلی گئے تو وہاں دو مواقع پر انھیں ایسی صورت حال کا سامنا کرنا پڑا جہاں کسی صاحب نظر کی کرامت کے سامنے عقل دنگ رہ جاتی ہے۔

حضرت میاں یٰسین نے عزیز میاں کو نصیحت کی کہ مولانا عبدالسلام کی کسی بات کو بے معنی اور بے مغز نہ جاننا۔ وہ بہ ظاہر بہت سخت مزاج ہیں لیکن اپنے کشف و کرامات کے عالم میں بعض ایسی باتیں کہہ جاتے ہیں جو صرف اہل طریقت ہی........

© Express News