[email protected]

ایک بہت پرانا حقیقہ یادآرہا ہے، یہ ایک پرانے تھانے کا قصہ ہے جو انگریز دور میں ایک ہی نقشے اورایک ہی شکل وصورت بلکہ رنگ تک میں ایک جیسے ہوتے تھے بلکہ اس کے اندر جو ’’لوگ‘‘ بھی ایک جیسے ہواکرتے تھے۔ ان کی زبان اورگالیاں بھی ایک جیسی ہوتی تھیں۔

تھانے کے گیٹ کے سامنے ایک خالی جگہ تھی جہاں کچھ درخت بھی تھے اورپکڑی ہوئی گاڑیاں بھی ، اکثرسائلین بھی یہاں بیٹھ کر یاکھڑے ہوکر انتظار کھینچتے تھے اوراسی احاطے میں وہ درخت تھا جسے شیور لیٹ کہتے تھے۔

سنتری اکثر فالتو لوگوں کو شیورلیٹ کے سائے میں انتظار کرنے کو کہتے تھے ۔ادھر بیٹھ جاؤ شیور لیٹ کے سائے میں۔ فلاں صاحب ابھی نہیں آئے ہیں ۔ چالان ابھی تیار نہیں ہوا ، ادھر بیٹھ جاؤ شیورلیٹ کے نیچے ۔ وہ دیکھو شیورلیٹ کے پاس کھڑا ہے ۔

حالاںکہ وہ درخت ’’توت‘‘ کا تھا جو یہاں خالی جگہوں پرعام اورخودرو اگتے تھے ۔ شیورلیٹ کی وجہ تسمیہ یہ تھی کہ کسی زمانے میں یہاں ایک ’’شیورلیٹ امپالا‘‘ کھڑی کی گئی جو کسی کیس میں پکڑی گئی اورپکڑی گئی گاڑیوں کے بارے میں تھانوں کااصول ہے کہ ایسی گاڑیاں بھی مقدمہ چلنے تک ’’ملزم‘‘ کادرجہ رکھتی ہیں اس لیے ایسی گاڑیوں کو آرام........

© Express News