2025 پاکستان کی خارجہ پالیسی اور جیو پولیٹیکل سمت کے حوالے سے ایک غیر معمولی سال کے طور پر یاد رکھا جائے گا۔ ایک دہائی تک جس ملک کو عالمی سیاست میں "پرابلم اسٹیٹ" کے طور پر دیکھا جاتا رہا، وہ رفتہ رفتہ ایک ایسے ملک کے طور پر ابھرتا دکھائی دیا جو خطے میں سیکیورٹی، توازن اور سفارتی وزن رکھتا ہے۔ عالمی طاقتوں کے ساتھ تعلقات کی بحالی، مشرقِ وسطیٰ میں متوازن کردار اور خطے میں دفاعی صلاحیتوں کی پذیرائی نے پاکستان کی عالمی شناخت کو ایک نئی جہت دی۔ مگر سوال یہ ہے کہ کیا یہ جیو پولیٹیکل کامیابیاں محض سفارتی فتوحات بن کر رہ جائیں گی، یا 2026 میں یہ معاشی استحکام اور عوامی خوشحالی میں تبدیل ہو سکیں گی؟

2025 کی سب سے اہم سفارتی پیش رفت امریکہ کے ساتھ تعلقات کی بحالی رہی۔ صدر ڈونلڈ ٹرمپ کے دوسرے دور میں پاکستان نے نہ صرف واشنگٹن کا اعتماد دوبارہ حاصل کیا بلکہ دہشت گردی کے خلاف تعاون، توانائی، تجارت اور معدنیات کے شعبوں میں نئے امکانات بھی پیدا کیے۔ جنوبی ایشیا میں نسبتاً کم تجارتی ٹیرف کا حصول ایک ایسا موقع ہے جو درست حکمتِ عملی کے ساتھ پاکستان کی ایکسپورٹس کو نئی رفتار دے سکتا ہے۔ اسی تناظر میں تقریباً چھ ٹریلین ڈالر مالیت کے معدنی ذخائر میں امریکی دلچسپی محض ایک سفارتی بیان نہیں بلکہ ایک بڑا معاشی امکان ہے، بشرطیکہ پاکستان شفاف پالیسی، قانونی تحفظ اور ادارہ جاتی تیاری کا مظاہرہ کرے۔

سعودی عرب کے ساتھ اسٹریٹجک دفاعی معاہدہ (SMDA) نے پاکستان کو مشرقِ وسطیٰ میں ایک نئے درجے پر لا کھڑا کیا ہے۔ ستمبر 2025 میں طے........

© Daily Urdu