ریاض پر دھوئیں کے بادل

گزشتہ روز سعودی عرب کے دارالحکومت ریاض کے شاہ خالد انٹرنیشنل ایئرپورٹ کے قریب اور آرامکو کے فیول ڈپو پر پیش آنے والا واقعہ اور فضا میں اٹھنے والے سیاہ دھوئیں کے بادل مقامی نوعیت کی تخریب کاری یا کوئی حادثاتی دھماکے نہیں تھے، بلکہ مشرق وسطیٰ کا خطہ ایک بار پھر ایک انتہائی خطرناک اور تباہ کن سیکیورٹی بحران کی لپیٹ میں آ رہا ہے۔ جب دارالحکومت ریاض کے مکینوں نے آدھی رات کے سسکتے ہوئے سکون میں سائرن کی ہولناک آوازیں، فضائی دفاعی نظام کی گرج چمک اور دور دراز دھماکوں کے گہرے اثرات محسوس کیے، تو ایک بار پھر یہ ثابت ہوگیا کہ دنیا کے اس حساس ترین خطے میں امن کے نعرے عارضی ہیں۔ یہ حملہ براہ راست عالمی توانائی کی سپلائی لائنز، بین الاقوامی ہوابازی اور خطے کے اقتصادی حب پر ایک گہرا وار ہے جس نے دنیا بھر کے دارالحکومتوں میں تشویش کی لہر دوڑا دی ہے۔

​اس لرزہ خیز اور اشتعال انگیز کارروائی کی ذمہ داری یمن کے حوثی باغیوں نے بلاجھجھک قبول کی ہے اور فخر کے ساتھ ریاض اور ینبع جیسے اہم صنعتی اور شہری مراکز کو نشانہ بنانے کا دعویٰ کیا ہے۔ یہ ڈھٹائی اس بات کا منہ بولتا ثبوت ہے کہ ان عناصر کو کس طرح کی بیرونی سرپرستی حاصل ہے جو خلیجی امن کو مستقل طور پر سبوتاژ کرنے کے درپے ہیں۔ دوسری طرف، سعودی عرب کے عسکری اتحاد اور فضائی دفاعی نظام نے اپنی روایتی مستعدی، پیشہ ورانہ مہارت اور پھرتی کا مظاہرہ کرتے ہوئے بروقت جوابی........

© Daily Urdu (Blogs)