پاکستان کی روشن اقلیتیں
ان انتخابات کے نتائج کو تسلیم کرنا گویا خواب کو حقیقت سمجھنا ہے لیکن اس ساری کہانی میں ایک کردار ایسا بھی ابھرا ہے جس نے پاکستان کے قومی افق پر امید کی ایک جھلک دکھا دی ہے اور وہ سندھ اسمبلی کے ڈپٹی سپیکر انتھونی نوید ہیں، انہیں پاکستان پیپلزپارٹی نے دوسری مرتبہ اقلیتوں کے لئے ریزرو نشست پر منتخب کروایا اور 8 فروری 2022ء کے انتخابات کے بعد نئی قائم ہونے والی سندھ اسمبلی میں ڈپٹی سپیکر بن گئے۔ پاکستان پیپلزپارٹی نے اس سے قبل کرشنا کماری کو سندھ سے اپنی سینیٹر بھی منتخب کرایا تھا۔ آج اقلیتوں کے حوالے سے ملک کی جو حالت ہے وہ بیان کرتے ہوئے دکھ محسوس ہوتا ہے، ابھی ذہنوں میں جڑانوالہ سانحہ تازہ ہے اس سے قبل جوزف کالونی لاہور میں اقلیتوں کے ایک سو پچاس کے قریب گھر جلا دیئے گئے یہ 2013ء کی بات ہے جب پاکستان میں مسلم لیگ (ن) کی حکومت تھی۔ پولیس خاموش تماشائی بنی رہی اسی طرح گوجرہ میں عیسائیوں کے ایک گاؤں کو جلا کر راکھ کر دیا گیا جس میں سات افراد قتل کر دیئے گئے، ایسے بے شمار واقعات میں پاکستان کی سپریم کورٹ کو 2014ء میں کہنا پڑا کہ بیشتر الزامات جائیداد کے جھگڑوں کے نتیجہ میں لگائے جاتے ہیں۔ سندھ اسمبلی کی عمارت اس میں بانی پاکستان محمد علی جناحؒ نے جس کابینہ سے حلف لیا تھا پاکستان کے پہلے وزیر قانون جوگندر ناتھ منڈل تھے۔ بانی پاکستان کی رحلت کے بعد جوگندر ناتھ منڈل نے وزیر اعظم لیاقت علی خان کو ایک خط تحریر کیا جس میں........
© Daily Pakistan (Urdu)
visit website