مریم نواز شریف،پنجاب کی پہلی خاتون وزیر اعلیٰ بننے کا ریکارڈ قائم کرنے جا رہی ہیں،ان کے وزیر اعلیٰ پنجاب بننے کے بعد شریف خاندان پاکستان کا پہلا سیاسی خاندان ہو گا جس کا چوتھا فرد پنجاب کا وزیر اعلیٰ بن جائے گا اور یہ بھی ایک ریکارڈ ہوگا، قبل ازیں ان کے والد میاں نواز شریف دو بار وزیر اعلیٰ پنجاب اور تین بار وزیر اعظم پاکستان بن کر ریکارڈ قائم کر چکے ہیں،ان کے چچا میاں شہباز شریف چار مرتبہ پنجاب کے وزیر اعلیٰ رہے یہ بھی ایک ریکارڈ ہے،اب وہ دوسری بار وزیر اعظم بن رہے ہیں۔شریف خاندان کے قریبی ذرائع بتاتے ہیں کہ میاں نواز شریف اپنی صاحبزادی مریم نواز کو پاکستان کی وزیر اعظم دیکھنا چاہتے ہیں اور اسی لئے انہیں پنجاب کی وزیر اعلیٰ بنایا جا رہا ہے تاکہ وہ رموز حکومت سمجھ لیں،انہی ذرائع کے مطابق میاں نواز شریف سمجھتے ہیں کہ وہ خود بھی پہلے وزیر اعلیٰ بنے اور پھر وزارت عظمیٰ تک پہنچے،میاں شہباز شریف بھی وزیر اعلیٰ رہنے کے بعد وزیر اعظم بنے اور اب اسی لئے مریم نواز کو پہلے وزیر اعلیٰ پنجاب بنایا جا رہا ہے اور مستقبل میں انہیں وزیر اعظم پاکستان بنانے کی سوچ ہے۔ اسی طرح پیپلز پارٹی اور آصف زرداری بھی اقتدار کی لائن میں ہیں،کل کلاں کو بلاول بھٹو بھی وزیر اعظم بننا چاہیں گے،ابھی دونوں جماعتوں نے ایک دوسرے کو سپورٹ دینے کا اعلان تو کر دیا ہے،دیکھنے والی بات یہ ہو گی کہ یہ سپورٹ کب تک قائم رہتی ہے؟تازہ ترین حالات کے مطابق ماضی میں سولہ مہینوں تک اکٹھے حکومت کرنے والے اب پھر اکٹھے ہو رہے ہیں، یہ بھی دیکھنے والی بات ہو گی کہ یہ دوبارہ کب تک اکٹھے چلیں گے؟

دوسری طرف حالیہ الیکشن کی شفافیت پر........

© Daily Pakistan (Urdu)