آج جب لکھنے بیٹھا ہوں تو سمجھ نہیں آ رہا کہ کیا لکھوں، پولنگ کا عمل جاری ہے لیکن میں رت جگے کی وجہ سے ابھی تک ووٹ ڈالنے نہیں جا سکا، گزشتہ شب میری بیٹی،داماد اور بچے برمنگھم سے وطن آتے ہوئے عمرہ کی سعادت حاصل کرکے آئے تو ایئرپورٹ پر ان کے لئے جانا پڑا۔ واپسی قریباً تین بجے ہوئی۔ ڈیڑھ گھنٹے کی نیند کے بعد پھر جاگا اور نماز سے فراغت کے بعد مزید ڈیڑھ گھنٹہ گہری نیند لے لی تاہم بچے دیر تک سوتے رہے فیصلہ ہوا دوپہر کے بعد جائیں گے، باہر نکل کر دیکھا کہ صورت حال کیا ہے تو یہاں زیادہ جوش و خروش نظر نہیں آیا، کچھ محلے والے ووٹ کا حق استعمال کر آئے تھے ان کی زبانی علم ہوا کہ پولنگ سٹیشن پر زیادہ بھیڑ نہیں البتہ ایک بجے دوپہر کے بعد ممکن ہے، بہرحال ہمارا فیصلہ تو یہی تھا مل کر جائیں گے کہ سب کا پولنگ سٹیشن ایک ہی ہے البتہ الیکٹرونک میڈیا بڑا پرجوش ہے ریٹنگ کا بھی مسئلہ ہے ہر چینل نے الیکشن کی خصوصی نشریات شروع کر رکھی ہیں، مسلسل سلسلہ چلے تو باتیں کم رہ جاتی ہیں، ایسا ہی کچھ حال چینل کی سکرین پر نظر آنے والے حضرات کا بھی ہے کہ وہ خود آپس میں بھی بات کرلیتے ہیں، کوئی حتمی بات نہیں کر پاتا، تاہم اپنی اپنی پسند کے حوالے سے تجزیہ ضرورہو جاتا ہے، سب کا دعویٰ ہے کہ ان کی نشریات ہی اعلیٰ ہیں، فیصلہ تو ناظرین کریں گے میں کون ہوتا ہوں،ایسا کرنے والا، البتہ حیرت زدہ ضرور ہوں کہ یہ حضرات انتخابات کے لئے تاریخ کے تعین سے اب تک تجزیئے کرتے چلے آ رہے ہیں ابھی تک حتمی نتیجے پر نہیں پہنچے البتہ رائے سب کی اپنی اپنی ہے۔

میں بھی بہت بڑا تجزیہ نگار ہوں لیکن انہی صفحات تک محدود ہوں، میری کوشش یہ ہوتی ہے کہ بڑی چھلانگ نہ لگاؤں اور حالات کو ان کے موافق ہی چھوڑ دوں، اب تک میں جو سنتا اور پڑھتا چلا آ رہا ہوں اگر اس کا تجزیہ کروں تو یہ واضح ہوتا ہے........

© Daily Pakistan (Urdu)