یہ موسم سرما درجہ حرارت میں کمی کے ساتھ وارد ہوا، ملک خصوصاً خیبرپختونخوا، پنجاب اور بلوچستان میں سخت سردی پڑ رہی ہے۔پہاڑی علاقوں میں درجہ حرارت کئی درجے منفی ہو گیا جبکہ وسطی پنجاب میں یہ تین سے چار سنٹی گریڈ تک آ گیا۔کم از کم درجہ حرارت کے ساتھ ہی زیادہ سے زیادہ درجہ حرارت میں کمی ہوئی جو 9سنٹی گریڈ تک بھی رہا،سرد موسم کی یہ سختی اپنی جگہ کہ اِس دوران سموگ اور دھند نے پڑاؤ ڈال لیا جو کم ہونے کا نام ہی نہیں لیتی۔اس کے ساتھ ہی موسمیاتی تبدیلیوں کے اثر کی وجہ سے تاحال موسم سرما کی بارش بھی نہیں ہوئی اور نہ ہی ابھی ایسے کوئی آثار ہیں۔اب محکمہ موسمیات نے بتایا ہے کہ اِس ماہ کے آخری ہفتوں میں وسطی پنجاب میں بھی بارش ہو گی،بارش نہ ہونے سے خشک سردی نے ملک بھر میں وبائی امراض کا دہانہ کھول دیا اور خشک سالی نے رنگ دکھایا،گندم کی بوائی ہو بھی چکی اب موسم کی اس ہیئت کے باعث فضل بُری طرح متاثر ہو رہی ہے، سخت سردی اور کہرے کے باعث پودے پھوٹنے میں تاخیر ہو رہی ہے،تاخیر ہو رہی ہے ایسے میں پیداوار کا ہدف کیسے پورا کیا جائے گا،اِس حوالے سے کسان اور عام لوگ پریشان ہیں جبکہ حکام بالا کے کان پر جوں نہیں رینگتی اور نہ ہی کسی سیاسی جماعت اور رہنما کو کوئی خیال آ رہا ہے۔سردی کی لہر اور کہرے نے سینے کے امراض میں بے حد اضافہ کیا ہے۔ہسپتال نمونیے کے مریضوں سے بھر گئے، ہزاروں بچے متاثر ہوئے اور قریباً 200 بچے وفات پا چکے........

© Daily Pakistan (Urdu)