آج (جمعہ) نیوزی لینڈ کے شہر آکلینڈ میں پاکستان اور نیوزی لینڈ کی ٹیموں کے درمیان ٹی20 سیریز کا پہلا میچ ہو گا، اس میں نئی قیادت کے ساتھ نئے جوش سے حصہ لینے کے عزم کا اظہار کیا گیا۔ یہ معمول ہے اور آسٹریلیا کے دورے سے پہلے بھی بہت بلند بانگ دعوے کیے گئے تھے،اب پانچ میچوں کی اِس سیریز کو بھی ورلڈکپ کی تیاریوں کا سلسلہ اور حصہ قرار دیا جا رہا ہے۔اب تک جو اطلاعات ملی ہیں ان کے مطابق اس سیریز میں بھی تجربے کئے جا رہے ہیں۔ ٹی20 کی اوپننگ جوڑی توڑ دی گئی اور اب وکٹ کیپر بیٹر کے ساتھ صائم ایوب سے افتتاح کرایا جائے گا۔محمد رضوان کو برقرار رکھا گیا اور بابر اعظم کو ایک درجہ کم کر کے تیسرے نمبر پر کھلانے کا فیصلہ صادر کر دیا گیا ہے، بابر اعظم تیسرے اور فخر زمان پانچویں نمبر پر بیٹنگ کریں گے اور یوں اوپر سے نیچے والا سلسلہ شروع کر دیا گیا ہے ایسا اندازہ ہوتا ہے کہ بابر اعظم کو ایک مخصوص طریقہ کار کے مطابق ٹیم ہی سے باہر کر کے اسے بھی کزن عمر اکمل کی طرح کھڈے لائن لگانے کا پروگرام ہے۔ آسٹریلیا میں بابر اعظم کی کارکردگی بہتر نہیں تھی اس سے قبل ایک روزہ ورلڈکپ سے زوال کے آثار تھے کپتانی تو گئی لیکن بابر کا تسلسل ٹوٹ گیا اور وہ تنقید کی زد میں آ گیا۔یہ فرض اور کسی نے نہیں خود بورڈ کے سربراہ نے نبھایا اور برملا اعلان کیا کہ ٹیم میں آٹھ مرکزی کھلاڑیوں نے گروپ بنا رکھا ہے اور ان کے کھلاڑی مہیا کرنے والی کمپنی سے معاہدے بھی ہیں اس کے ساتھ اشارتاً فکسنگ کا بھی اشارہ دے دیا،اس کے بعد ان کھلاڑیوں کی ذہنی کیفیت کیا ہو سکتی ہے اس کا اندازہ اِس امر سے لگایا جا سکتا ہے کہ آسٹریلیا کے ساتھ ٹیسٹ سیریز میں........

© Daily Pakistan (Urdu)