پاکستان پیپلزپارٹی کی مرکزی مجلس عاملہ نے چیئرمین بلاول بھٹو زرداری کو جماعت کی طرف سے وزیراعظم کے لئے نامزد کر دیا ہے، اس کا مطلب یہ ہوا کہ اب سابق وزیراعظم اور مسلم لیگ (ن) کے قائد محمد نوازشریف کے بعد ایک اور امیدوار باقاعدہ طور پر سامنے آ گیا۔ بلاول بھٹو نے اجلاس کے بعد میڈیا سے جو گفتگو کی، اس سے اب یہ تاثر پختہ ہو گیا کہ پیپلزپارٹی نے 8فروری کے عام انتخابات کے حوالے سے مسلم لیگ (ن) ہی کو حریف بنایا اور بلاول کا انداز چیلنج کرنے والا ہے، اب کاغذات نامزدگی داخل ہو کر منظور اور نامنظور ہونے کے بعد اپیلوں کے مرحلے میں ہیں اس لئے یہ چیلنج تو ہوا میں ہے کہ نوازشریف لاڑکانہ آکر الیکشن لڑیں، میں لاہور سے حصہ لے رہا ہوں جس کا حوصلہ ہے وہ مقابلے میں آ جائے، یہ کچھ عجیب لگا کہ اب تو کوئی نیا امیدوار میدان میں آ ہی نہیں سکتا البتہ جو کاغذات نامزدگی داخل کراکے میدان میں ہیں، مقابلہ تو انہی میں ہوگا اور ان میں مسلم لیگ (ن) کا امیدوار بھی یقینا ہوگا جب لاہور کی ٹکٹوں کا اعلان ہوگا تو معلوم ہوجائے گا کہ این اے 127 سے مسلم لیگ ن کی طرف سے کون امیدوار ہے اور وہی بلاول کا مقابلہ کرے گا اس کیلئے اب نوازشریف اور شہبازشریف تو آنے سے رہے اور ان پہلوانوں کے پٹھے ہی سے جوڑ پڑے گا۔ پاکستان پیپلزپارٹی کا جہاں تک تعلق ہے تو اس کی میڈیا مینجمنٹ معمول کے مطابق کمزور ہے اغلباً عہدے تو بانٹ دیئے گئے لیکن ذمہ داری تفویض اور تقسیم نہیں کی گئی حالانکہ دور جدید میں تو اب سوشل میڈیا بھی بڑا اہم ہے لیکن پیپلزپارٹی استفادہ نہیں کر پا رہی جو کوئی بھی اس میڈیا پر پیپلزپارٹی کی حمائت کے حوالے سے لکھتا یا پوسٹ کرتا ہے وہ از خود کررہا ہے، پارٹی نے گروپ کا اعلان تو کیا لیکن ابھی تک........

© Daily Pakistan (Urdu)