لاہور اور سیاست گری
پاکستان پیپلزپارٹی کے چیئرمین بلاول بھٹو زرداری لاہور پہنچ گئے اور ساتھ ہی مرکزی مجلس عاملہ کا اجلاس بھی بلا لیا جو آج (بدھ) شام بلاول ہاؤس بحریہ ٹاؤن میں ہوگا۔ اس اجلاس میں عام انتخابات کے حوالے سے حکمت عملی پر غور ہوگا اور بلاول بھٹو کی طرف سے لاہور اور مرکزی پنجاب میں انتخابی مہم کے حوالے سے کنونشنز کارنر میٹنگز اور جلسوں سے خطاب کا پروگرام بھی طے ہوگا۔ بلاول این اے 127 لاہور سے خود بھی امیدوار ہیں۔ اس لئے حلقہ نیابت کی انتخابی مہم کی حکمت عملی بھی طے کی جائے گی۔ توقع کے مطابق مختلف موضوعات کے حوالے سے کمیٹیاں بنیں گی، بلاول جب عوامی رابطہ شروع کریں گے تو اندازہ ہوگا کہ عوامی سطح پر پذیرائی کی کیا کیفیت ہے۔ لاہور کی حد تک دیکھا جائے تو جماعت اسلامی اور مسلم لیگ (ن) والے سرگرم ہیں، مسلم لیگ(ن) کو ٹکٹوں کے لئے درخواستوں کے حوالے سے مسائل درپیش ہیں، تاہم قائد مسلم لیگ(ن) محمد نواز شریف کی قیادت میں پارلیمانی کمیٹی یہ مسئلہ بھی حل کر ہی لے گی۔ البتہ لاہور میں جماعت کو اکا دکا سرگرم اراکین سے بھی مناسب برتاؤ کرنا ہو گا کہ بہت سے حضرات ٹکٹ نہ ملنے سے مایوس بھی ہوں گے اور ان میں سے بعض افراد باغیانہ روش بھی اپنائے ہوئے ہیں۔ تاہم مرکزی کمیٹی جو فیصلہ کرے گی وہی حتمی مانا جائے گا اور مبینہ طور پر کمیٹی کا حلقہ 121 این اے کے حوالے سے رجحان ایاز صادق کی طرف ہے۔ جبکہ الحاج شیخ روحیل اصغر کا اصرار ہے کہ وہ اپنا آبائی حلقہ نہیں چھوڑیں گے۔ اس کے علاوہ ان کا یہ بھی موقف ہے کہ........
© Daily Pakistan (Urdu)
visit website