پاکستان پیپلزپارٹی نے گزشتہ روز جماعت کا 56واں یوم تاسیس منایا، اس بار بڑی تقریب کوئٹہ میں جلسہ عام کی صورت میں منعقد کی گئی۔ اس میں شراکت اور خطاب کے لئے دونوں باپ بیٹے گئے۔ آصف علی زرداری اور بلاول بھٹو زرداری دوبئی میں فیملی اکٹھ کے بعد اکٹھے ہی کراچی آ گئے تھے جیسے ان دونوں کے درمیان شدید اختلاف اور پارٹی پر قبضہ تک کی خبریں چلائی گئیں ان کے مطابق تو ایسا ہونا نہیں چاہیے تھا لیکن بلاول بھٹو تو آصف علی زرداری کے پہلو میں تھے، یوں فی الحال تو اختلافی غبارے سے ہوا نکل گئی ہے۔ اب دیکھئے کیا اختلاف نکالا جاتا ہے۔ حالانکہ ہر دو حضرات کے درمیان جو چھوٹی سی لکیر ہے وہ ان کے لئے ہی فائدہ مند ہے کہ آصف علی زرداری ایک بزرگ اور تجربہ کار سیاست دان کی حیثیت سے سنبھال بھی لیتے ہیں۔ جہاں تک خبروں کا تعلق ہے تو ہمارے بھائیوں کو اور کچھ نہ ملا تو انہوں نے ایک پرانی بات کو نیا بنا کر چلا دیا کہ بلاول کی شادی ہونے والی ہے اور دبئی میں اکٹھا ہونے کا مقصد یہ بتایا گیا کہ جو لڑکی پسند کی گئی اس کے بارے میں اتفاق رائے پیدا کرنا ہے۔ یہ خبر ایک سے زیادہ بار اسی طرح شائع ہوچکی اور اب پھر چلا دی گئی حالانکہ یہ ان کا خاندانی معاملہ ہے اور بہنوں کی خواہش بھی ہے کہ بھائی کے سر پر سہرا سجائیں، تاہم وقت کا تعین وہ سب حالات کے مطابق کریں گے کہ سیاست میں سرگرم بھی ہیں، ابھی تو دونوں باپ بیٹا چار روز تک کوئٹہ میں قیام کریں گے اور اس عرصہ میں آصف علی زرداری اپنے تعلقات آزمائیں گے۔ بلوچستان سے بھی اہم حضرات کو اپنے ساتھ ملائیں گے جیساکہ سابق وزیراعلیٰ........

© Daily Pakistan (Urdu)