ہم ہمیشہ سے رونا روتے آئے ہیں کہ پاکستان لٹ گیا،برباد ہو گیا، بطور ریاست ناکام ہو چکا ہے، عالمی گداگر ہے، اس کی معیشت تباہ حال ہے, زراعت بے حال ہے، صنعتیں بند ہو چکی ہیں, بیروزگاری فزوں تر ہے، مہنگائی تاریخ کی بلند ترین سطح پر ہے، دنیا ہمیں خاطر میں نہیں لاتی، کوئی ہمیں سہارا دینے کو تیار نہیں، ہمارا ہاتھ پکڑنے پر راضی نہیں, دوست ہم سے جان چھڑا رہے ہیں، اغیار ہم سے رابطہ کرنے میں عار محسوس کرتے ہیں، دشمن ہماری زبوں حالی پر شاداں ہیں،بلکہ ہماری بربادی کے لئے کوشاں ہیں …… یعنی ہم ہر طرح سے اور ہر وقت رونے روتے اور کوسنے دیتے رہتے ہیں، لیکن کبھی اپنے گریبان میں جھانکنے کو تیار نہیں، آئینے میں اپنے چہرے کے داغ دیکھنے سے ڈرتے ہیں, اپنے دامن کی آلودگی صاف کرنے کو تیار نہیں۔آنکھوں دیکھی مکھی دیکھ کر نگل بھی لیتے ہیں اور بعد میں اْبکائیاں لے کر ماحول خراب کرنے لگتے ہیں۔ ہماری قومی نفسیات میں شامل ہے کہ خود کچھ نہیں کرنا اور کسی دوسرے کو کرتے دیکھ کر اس پر حرف زنی شروع کر دینی ہے، اسے ہر طرح سے کام کرنے سے روکنے کی کوشش کرنی ہے۔ اس کے........

© Daily Pakistan (Urdu)