پاکستان کو اپنے معاشی مسائل کو خدا حافظ کہنے کیلئے کوآپریٹیو فیڈرل ازم کی ضرورت ہے ۔ ورلڈ بینک کے مطابق 2018ءمیں پاکستان میں شرح غربت 22فیصد تھی جو اب 39یصدسے متجاوز ہے جبکہ بنگلہ دیش میں 2016ءمیں شرح غربت کم و بیش ساڑھے تیرہ فیصد تھی جو 2022ءمیں ساڑھے دس فیصد تک رہ گئی ۔ یہ بات واضح رہے کہ پاکستان کی معیشت میں پنپنے کی بھرپور استعداد موجود ہے۔ ضرورت صرف اس امر کی ہے کہ اس استعداد کو تخیل سے حقیقت کا روپ دینے کی صلاحیت کو بروئے کار لایا جائے ۔ معروف برطانوی مؤرخ ، تاریخ و فلسفہ تاریخ کے لندن اسکول آف اکنامکس کے پروفیسر آرنلڈ ٹوائن نے کہا تھا کہ’’معاشرے اس وقت زبوں حالی کا شکار ہوتے ہیں جب کسی معاشرے کی تخلیقی اقلیت ( معاشرے میں سوچ سمجھ کر راستہ دکھانے والے افراد ) ایک غالب اقلیت کا روپ دھار لیتی ہے ‘‘یعنی وہ اپنی قابلیت کے دعوے کی بنیاد پر ہر طرح کے اعزازات و مراعات سے تو مستفید ہونا چاہتے ہیں مگر اپنی اصل ذمہ داریاں ادا کرنے سے قاصر ہوتے ہیں کہ وہ مسائل کا حل پیش کر سکیں۔ اس وقت وطن عزیز کو بھی ایسی تخلیقی سوچ کی ضرورت ہے جو پاکستان کو گمبھیر معاشی مسائل سے نجات دلا ئے۔ اس بارے میں اب کوئی دوسری سوچ پیش کرنا منافقت ہوگی کہ اگر قومی معیشت کو چلانے کیلئے بجلی ، گیس ، پیٹرول وغیرہ کی قیمتوں کے اضافے پر انحصار کیا گیا تو یہ عوام کی برداشت سے باہر ہوگا اور اس حوالے سے چاہے دلائل کے انبارلگا دیئے جائیں وہ عوام کو گھڑے ہوئے ہی محسوس ہونگے ۔ بظاہر یہ خیال بہت مضبوط دکھائی دے رہا ہے کہ نئی تازہ دم حکومتیں اپنا عرصہ حیات مکمل کرلیں گی اور اسوقت تو وفاقی حکومت کے پاس کم و بیش دو تہائی اکثریت کا تمغہ موجود ہے اور ساتھ ساتھ ملک کے سب سے بڑے صوبے پنجاب میں بھی وزیر اعظم کی جماعت ہی بر سر اقتدار ہے ۔ سندھ کی بات کی جا سکتی ہے مگر وفاقی کابینہ میں نمائندگی نہ رکھنے کے سبب انکی ذمہ داریاں بہر حال اس سطح پر........

© Daily Jang