ان سطور کی اشاعت تک انتخابی عمل کے شروع ہونے میں ایک دن سے بھی کم وقت بچا ہوگا اور پاکستانی عوام اپنی رائےکا اظہار کرنے کیلئے پولنگ اسٹیشنوں کا رخ کرنے کی تیاری کر رہے ہونگے ۔ ٹرن آؤٹ ماضی کی نسبت بہتر بنانا عوام کی ذمہ داری ہے اور اسکے ساتھ ساتھ درست طور پر ووٹ کااستعمال اس سے بھی زیادہ بڑی ذمہ داری ہے ۔ پاکستانی عوام کے سامنے تمام سیاسی جماعتوں کی کارکردگی ایک کھلی کتاب کی مانند ہے۔ اس وقت جو کوئی بھی سیاسی جماعت انتخابات میں حصہ لے رہی ہے وہ اقتدار کے ایوانوں کی مکين رہ چکی ہے اور اسکے پاس اپنی دوران اقتدار کارکردگی پیش کرنے کیلئے اس دوران اٹھائے گئے اقدامات جن سے پاکستانی عوام کے معیار زندگی میں بہتری نظر آئی ہو ، ہونے چاہئیں اور اگر اسکے پاس اب بھی صرف دوسروں پر الزام تراشی اور مستقبل میں انتقام لینے کا جذبہ ہے تو اس سے صرف ایک ہی مطلب اخذ کیا جا سکتا ہے کہ وہ اپنے اقتدار کے دوران پاکستان اور اسکے عوام کیلئےکچھ بھی کرنے میں ناکام رہی اور اس ناکامی کی وجہ سے اس کو انتخابات میں بھی ناکام ہو جانا چاہئے ۔ 2013 سے 2018تک کے ترقیاتی کاموں پر اگر نظر دوڑائی جائے تو عوام کو کوئی بھی فیصلہ کرنے میں بہت آسانی ہو گی۔ کیونکہ اس دور میں تمام تر سیاسی جماعتیں صوبوں یا مرکز میں صاحب اقتدار تھیں اور ایک دوسرے کے مقابلے میں کارکردگی دکھانے کا موقع سب کو ميسر تھا ۔اس دوران پاکستان کی معیشت زبردست طور پر دو وجوہات سے متاثر ہو رہی تھی اور پاکستان کو ان وجوہات کے تدارک کی اشد اور فوری طور پر ضرورت تھی ۔ ملک دہشت گردی کی آگ میں جل رہا تھا۔ریاستی اداروں پر دہشت گردی کی کارر وائیوں سے لیکر فرقہ ورانہ اور علاقائی دہشت گردی کا دور دورہ تھا ،کراچی سے کوئٹہ تک زمین لہو رنگ تھی ، ہزارہ برادری سے لیکر لاہور تک کو اس خونی کھیل کا سامنا تھا ، دوسرا بڑا مسئلہ بجلی کی شدید قسم کی لوڈ........

© Daily Jang