’’عرفان بھائی ، پاکستان میں اس سے زیادہ محفوظ سرمایہ کاری اور لازمی نفع کسی اور کاروبار میں ممکن ہی نہیں ہے لہٰذا میں نے اپنی فیکٹری جو آدھے ایکڑ پر محیط تھی اور مسلسل نقصان میں چل رہی تھی وہ بارہ کروڑ میں فروخت کرکے تمام رقم ایک بینک میں جمع کرادی ہے جہاں سے مجھے سالانہ بیس فیصد تک منافع مل جاتا ہے یعنی ہر ماہ تقریباََ بیس لاکھ روپے کی آمدنی ہوجاتی ہے جس کے بعد میری زندگی اب انتہائی سکون سے گزررہی ہے، نہ فیکٹری کے بھاری بھرکم بجلی کے بل ادا کرنا پڑتے ہیں اور نہ ہی گیس کے آنے یا نہ آنے کی فکر ، نہ ملازمین کی تنخواہ کی فکر ہے اور نہ ہی دیگر جھمیلوں میں پڑنے کی پروا ‘‘، وہ اتنے فخر سے مجھے اپنی بڑھتی ہوئی آمدنی کےبارے میں بتارہا تھا کہ میں سمجھ ہی نہیں پارہا تھا کہ میں اس کی بڑھتی ہوئی کمائی کی تعریف کروں یا سود سے ہونے والی اس حرام کمائی پر اسے کچھ سمجھانے کی کوشش کروں ، میں نے یہاں ایمان کے تیسرے درجے پر قائم رہنے یعنی برائی کو دل میں برا سمجھنے کے بجائے ایمان کے دوسرے درجے یعنی اسے زبانی سمجھانے کی کوشش کی کہ بھائی صاحب آپ کیوں ایک چلتے ہوئے کاروبار کو چھوڑ کر سود کی کمائی کو ترجیح دے بیٹھے ؟ میرے منہ سے سود کا نام سن کر ہی میرا دوست بھڑ ک اٹھا بولا عرفان بھائی میں نے اپنی رقم سود پر نہیں رکھوائی بلکہ جس بینک میں جمع کرائی ہے انھوں نے مجھے حلال سرمایہ کاری کا سرٹیفیکیٹ اور عالم دین کا فتویٰ بھی دکھایا ہے لہٰذا سمجھ بوجھ کر یہ سرمایہ کاری کی ہے۔جہاں تک کاروبار کی بات ہے مجھے تو........

© Daily Jang