معاف کیجئے لیکن ہم زندہ نہیں بلکہ بائولی قوم ہیں۔ ذاتی معاملات میں ہم دماغ سے لیکن قومی معاملات میں جذبات اور تعصبات سے کام لیتے ہیں۔ ذاتی زندگی ہم مفاہمت اور زمینی حقائق کے مطابق گزارتے ہیں لیکن قومی معاملات میں ممولے کو شہباز سے لڑانے کا درس دیتے ہیں۔ ہم جھوٹے ہیں لیکن لیڈروں سے سچ کی توقع کرتے ہیں۔ کم و بیش اس قوم کا ہر فرد مفاد پرست ہے لیکن توقع لگائے بیٹھا ہے کہ ہمارے لیڈر قوم پرست بن جائیں۔ خود بڑھک باز ہیں لیکن توقع لگائے بیٹھے ہیں کہ قیادت سنجیدہ اور مثبت عمل کرنیوالی ملے۔ خود کام چور ہیں لیکن محنتی قیادت کے متمنی ہیں۔ الغرض جھوٹ، فریب، دھوکہ، خودپسندی، بہتان طرازی، غیبت، چوری، ملاوٹ، کام چوری، بزدلی اور جہالت میں یہ قوم نمبرون ہے لیکن اسکا ہر فرد امید لگائے بیٹھا ہے کہ اسکی قیادت دیانتدار، باصلاحیت، قربانی دینے والی اور قوم کے لئےبے لوث کام کرنیوالی ہو، جو کبھی نہیں ہوسکتا۔ جس طرح شیشم کے درخت پر آم نہیں لگ سکتے، اسی طرح خراب قوم کی صفوں سے اچھی قیادت نہیں ابھرسکتی۔ لیکن یہ تصویر کا ایک رخ ہے کہ قوم سے قیادت جنم لیتی ہے بعض اوقات سدھری ہوئی قیادت قوم کو بھی سدھار دیتی ہے ۔ جیسے کہ نیلسن مینڈیلا نے کیا لیکن مصیبت یہ ہے کہ ہمارے پاس کوئی نیلسن مینڈیلا ہے اور نہ طیب اردوان۔ ہماری قیادت نے قسم کھائی ہے کہ ماضی سے سبق نہیں لینا۔ یقین نہ آئے تو تازہ ترین صورتحال ملاحظہ کیجئے۔ عمران خان کو قوم نے بہت محبت دی لیکن دوران اقتدار انہوں نے وہی غلطیاں دہرائیں جو زرداری صاحب کرتے رہے اور اب وہ اسی غلطی کا ارتکاب کر رہے ہیں جو نوے کی دہائی میں یا پھر 2018ء میں اسٹیبلشمنٹ کو چیلنج کرکے نواز شریف نے کی۔ انہوں نے یہ نہیں دیکھا کہ وہ طیب اردوان ہیں اور نہ انکی پارٹی، اردوان کی پارٹی لیکن اسٹیبلشمنٹ سے تنازع مول لے لیا۔ عمران خان بوٹ کو عزت دو کے نعرے کیساتھ لیڈر اور حکمران بنے تھے لیکن آج انہوں نے نواز شریف کے ووٹ کو عزت دو کے بیانئے کو اپنا لیا ہے، یوں دیوار پر لکھا نظر آرہا ہے کہ انکا انجام بھی وہی ہوگا جو نواز شریف کا ہوا اور انہیں تب معافی ملے گی جب وہ ووٹ کو عزت دو کی بجائے بوٹ کو عزت دو کے بیانئے پر آجائیں۔ میاں نواز شریف کے کردار کو ملاحظہ کیجئے۔ وہ ہمیشہ بوٹ کو عزت دیکر اقتدار میں آتے ہیں لیکن مقتدر بننے کے بعد طیب اردوان بننے کی کوشش کرتے ہیں۔ انکی بنیادی غلطی یہ ہے کہ وہ ووٹ کو عزت دو کے بیانئے کیساتھ کبھی اقتدار میں نہیں آئے ۔ عوامی قوت کو اپنانے اور اپنی جماعت کے اندر جمہوریت لاکر مضبوط بنیادوں پر کھڑا کرنے کی بجائے وہ بوٹ کو عزت دیکر اقتدار میں آتے ہیں لیکن اقتدار میں آنے کے بعد ووٹ کو عزت دو کا نعرہ بلند کرکے طیب اردوان بننے کی کوشش کرتے ہیں جس کی وجہ سے انہیں ایوان اقتدار سے باہر نکال کر جیل یا بیرون ملک پہنچا دیا جاتا ہے۔ افسوس کہ میاں نواز شریف نے بھی ماضی سے کوئی سبق نہیں لیا اور اب ایک بار پھروہ ووٹ کو عزت دو کے بجائے بوٹ کو عزت دو کے بیانئے کے ساتھ اقتدار میں آنے کی غلطی دہرا رہے ہیں ۔زرداری صاحب بھی غلطیاں دہرانے کے حوالے سے انتہائی مستقل مزاج واقع ہوئے ہیں۔ وہ بیک وقت ووٹ کو عزت دو اور بوٹ کو عزت دو کے بیانیےساتھ لے کر چلتے ہیں اور چالاکی سے کام لیتے ہیں۔ کبھی انکی یہ چالاکی کام کر جاتی ہے اور کبھی الٹا پڑ جاتی ہے ۔ اب بھی وہ بیک وقت ووٹ کو عزت دو اور بوٹ کو عزت دو کی پالیسیاں ایک ساتھ چلا رہے ہیں۔ وہ اسٹیبلشمنٹ کی تابعداری بھی کررہے ہیں اور ساتھ ساتھ بلیک میل بھی کررہے ہیں۔ گویا انہوں نے بھی ماضی سے کوئی سبق نہیں سیکھا۔ یہی معاملہ باپ پارٹی، ایم کیوایم، قوم پرست اور مذہبی جماعتوں کا ہے۔ وہ اسٹیبلشمنٹ کی طرف دیکھتی اور بڑی پارٹیوں سے نتھی ہوکر اقتدار میں آنے کی کوشش کرتی ہیں اور اب کی بار ان میں سے بھی ہر ایک، یہی غلطی دہرا رہی ہے۔ اسٹیبلشمنٹ نے بھی قسم کھارکھی ہے کہ وہ اپنی ماضی کی غلطیوں سے سبق نہیں لے گی ۔ اس کی غلطی یہ ہے کہ وہ سیاست سے لاتعلق نہیں ہوتی۔ کبھی نواز شریف کو مسیحا کے طور پر قوم کے سروں پر مسلط کردیتی ہے اور کبھی عمران خان کو۔ پھر جب وہ سچ مچ حکمران بننے کی کوشش کرتے ہیں تو اسٹیبلشمنٹ ان کی چھٹی کرانے میں لگ جاتی ہے ۔ کبھی نواز شریف، کبھی عمران خان اور کبھی کسی اور کو پہلے لیڈر اور پھر حکمران بنانے کے اس عمل میں اسٹیبلشمنٹ عدلیہ، میڈیا اور دیگر ریاستی اداروں کو استعمال یا بے وقار کرکے اپنے آپ کو بھی متنازعہ بنالیتی ہے لیکن ماشا اللہ ہر تجربے کی ناکامی کے باوجود وہ اپنی اس روش سے باز نہیں آئی۔ ہونا تو یہ چاہئے کہ وہ تائب ہوکر سیاست، عدالت اور صحافت کو اپنے حال پر چھوڑ دےاور خود اپنے اصل کام یعنی ملکی دفاع پر توجہ دے لیکن اب کی بار بھی وہ ماضی کی طرح ایک بار پھر دخیل ہے اور ہائبرڈ نظام کو نہ صرف برقرار رکھاجارہا ہے بلکہ اسے مزید توانا بنایا جارہا ہے ۔گویا سب کرداروں کا کردار نہیں بدلا۔ نعرے بدلے ہونگے ۔ طریق کار بدلا ہوگا لیکن حقیقت یہ ہے کہ ہر فریق اپنی جگہ ماضی کی غلطیوں کو دہرا رہا ہے ۔ ظلم کی انتہا دیکھئے کہ ہم نے غلطیاں بھی نئی ایجاد نہیں کیں بلکہ ہر کردار اسی سابقہ غلطی کو دہرا رہا ہے اور پھر توقع لگالیتے ہیں کہ نتیجہ مختلف نکلے گا۔معاف کیجئے لیکن ہم زندہ نہیں بلکہ بائولی قوم ہیں اور جب تک قوم اپنے آپ کو نہیں بدلے گی ،قیادت بدلے گی اور نہ یہ ملک بدلے گا۔ باریاں بدلتی رہیں گی لیکن حکمران ایسے ہی رہیں گے۔ جب تک قوم جذبات، تعصبات یا پھر ذاتی مفادات کی بنیاد پر لیڈروں کی حمایت یا مخالفت کرتی رہے گی، ہمارے ملک کے حکمران ایسے ہی لوگ رہیں گے۔ جلسے جلوس بھی ہوںگے اور انتخابات کے ڈرامے بھی لیکن لیڈر سدھریں گے اور نہ ملک سدھرے گا۔انتخابات سے غیرمعمولی توقعات وابستہ کرنے والے احمقوں کی جنت میں رہتے ہیں ۔ اگلے انتخابات صرف اس حوالے سے مختلف ہوں گے کہ جو کچھ عمران خان 2018کے انتخابات میں کررہے تھے، وہ اب میاں نواز شریف کریں گے اور جو میاں نواز شریف نے اس وقت کیا تھا، وہ اب عمران خان کر رہے ہیں۔ اسٹیبلشمنٹ نے سابقہ الیکشن میں جو سلوک نواز شریف کیساتھ کیا تھا، وہ اب کی بار عمران خان کے ساتھ کرے گی اور عمران خان پر جو عنایتیں کی تھیں ، وہ اب نواز شریف پر کرے گی ۔ یوں جلسے جلوس بھی ہوں گے ۔ سیاسی ہلہ گلہ بھی ہوگا ۔ لیکن جس طرح 2018ء کے الیکشن میں نتیجہ پہلے سے معلوم تھا ، اسی طرح 2024ء کے انتخابات کا نتیجہ بھی پہلے سے معلوم ہے بلکہ نتیجہ تو کیا، پھر انتخابات کے نتیجے کا جو نتیجہ نکلے گا، اسٹیبلشمنٹ اور نوازشریف کے مزاج کی روشنی میں اس کی بھی پہلے سے پیشگوئی کی جاسکتی ہے۔
ایم کیو ایم پاکستان کے ڈپٹی کنوینئر خواجہ اظہار الحسن کا کہنا ہے کہ کچھ لوگ ایم کیو ایم کو مردہ گھوڑا قرار دے رہے ہیں، وہ بھول گئے کہ وہ لوگ اسی مردہ گھوڑے پر سوار ہوکر وزیر خارجہ بنے تھے۔
پرونشل ڈیزاسٹر مینجمنٹ اتھارٹی نے اسموگ کے باعث لاہور سمیت پنجاب کے 10 اضلاع میں آج اسمارٹ لاک ڈاؤن کا فیصلہ کیا ہے۔
کراچی کے علاقے کورنگی ڈھائی نمبر کے قریب شادی میں ہوائی فائرنگ کے نتیجے میں گولی لگنے سے زخمی بچہ دوران علاج دم توڑ گیا۔
کسٹمز حکام کی رپورٹ میں پاکستان کے راستے افغان ٹرانزٹ ٹریڈ کئی گنا زیادہ ہونے کا انکشاف کیا گیا ہے۔
پاکستان کرکٹ کے لیجنڈ آل راونڈر عبدالرزاق نے کہا ہے کہ جب محمد عامر نے ریٹائرمنٹ کا اعلان کیا تو پورا پاکستان کرکٹ بورڈ (پی سی بی) ناراض ہوا تھا۔
بالی ووڈ کے بادشاہ شاہ رخ خان نے برطانیہ سابق فٹ بال اسٹار ڈیوڈ بیکہم کو انتہائی مہذب شخص قرار دیا ہے۔
غزہ پٹی کے شمالی علاقہ بیت حانون میں اسرائیلی فورسز کی گاڑیوں کو راکٹوں سے نشانہ بنایا گیا۔
بھارتی شہری لبنٰی نذیر نے غزہ سے انخلا کے بعد گفتگو کرتے ہوئے بتایا کہ وہ اپنی بیٹی کے ساتھ کل غزہ چھوڑنے میں کامیاب ہوگئی۔
سروے رپورٹ میں یہ بھی بتایا گیا کہ پاکستان میں مناسب رشتے نہ ملنے کی سب سے بڑی وجہ بے روزگاری ہے،
امریکا میں پہلی مرتبہ جیل کے قیدیوں نے ملک کی اعلیٰ درجے کی یونیورسٹی سے گریجویشن کی ڈگریاں لے لیں۔ قیدیوں نے ڈگری ملنے پر خوشی کا اظہار بھی کیا۔
آلودہ دھند پنجاب میں اسمارٹ لاک ڈاؤن کی وجہ بن گئی، اسموگ کی وجہ سے کل پنجاب کے دس اضلاع میں اسمارٹ لاک ڈاؤن کا نوٹی فکیشن جاری کر دیا گیا۔
جنوبی افریقہ نے اسرائیل کے خلاف بین الاقوامی فوج داری عدالت میں شکایت درج کرا دی۔
شہباز شریف نے کہا کہ انتخابات میں ن لیگ کی جیت مہنگائی کے ستائے عوام کی جیت ہوگی۔
فیڈرل بورڈ آف ریونیو (ایف بی آر) نے20 لاکھ تک نئے ٹیکس دہندگان کو ٹیکس نیٹ میں لانےاور نان فائلرز کے خلاف کارروائی کرنے کا فیصلہ کرلیا۔
آسٹریلیا کے کوئنزلینڈ میوزیم میں کی جانے والی اس تحقیق کے مطابق مکڑی کی یہ اقسام حشرات ارض کے میچر جیڈی خاندان کا حصہ ہیں۔
این بوئیر نے اپنے استعفیٰ میں لکھا کہ امریکی حمایت میں غزہ کیخلاف اسرائیل کی جنگ کسی کے لیے جنگ نہیں۔
login
who are we?
contact us
qosheapp
Toi Staff
Gideon Levy
Belen Fernandez
Andrew Mitrovica
Mort Laitner
Nikkei Editorial
Rami G Khouri
Ali Fathollah-Nejad
visit website
