Jednoga dana, kad prestanen bit lena, sest ću, napisat ću i izdat kuharicu. Ma ne recepti leh štorij za decu čigovi roditelji se već postaju deca

Od kada je čula da su va Hormušken tjesnacu na zarobljenomu brodu i naši dva pomorca, moja mat nima mira. A kada ga ona nima, onput ga ja iman još manje. Do maloprvo smo učile zemljopis, odnosno ja san morala nać atlas, povećalo i strpljenja pa njoj pokazat kade j’ to aš se ča j’ dalje od Zadra, bilo na moru ale kopnu njoj je nepoznanica. Prvo i osnovno pitanje glasi – kuliko j’ to dugo od nas? A mjerilo dužine nisu kilometri leh kuliko ti vrimena rabi da z auton ale avionon dojdeš do tamo. Kad ja rečen kuliko, na njoj je da ocijeni je dugo ale j’ blizu, i moren van reć da me te njeje procjeni ki put do suz nasmeju. Recimo kad reče – ja prvo pet put hodeć dojden do Hreljina i nazada leh ti z auton va ta Zabok. Intanto, kad smo dokončale udaljenost Hormuškoga tjesnaca za koga j’ rekla da i ni tako dugo od nas, ma kuliko joj ja tvrdila da ni ni blizo, onput je počela štorija o ta dva jadna čovika ki jidu kruh sa sedan kor i jadnemi........

© Novi List