افغان طالبان کے سربراہ اور رہبر اعلی ہبت اللہ اخوندزادہ نے طالبان قیادت کے اندر اختلافات سے متعلق تازہ قیاس آرائیوں کے پس منظر میں حکام کو غیر ضروری اور لاحاصل معاملات میں الجھنے سے گریز کرنے کی ہدایت کی ہے۔ ہبت اللہ کا یہ بیان ایسے وقت میں سامنے آیا ہے جب چند روز قبل طالبان کے وزیرِ داخلہ سراج الدین حقانی نے ایک خطاب میں ایسے جملے کہے تھے جنھیں مبصرین نے اخوندزادہ پر بالواسطہ تنقید قرار دیا تھا۔ افغانستان کے صوبہ خوست کی جامع مسجد میں خطاب کرتے ہوئے سراج الدین حقانی نے کہا تھا کہ جب کوئی حکومت، جو عوام کے اعتماد اور محبت کی بنیاد پر قائم ہوئی ہو، خوف اور دہشت پھیلانا شروع کر دے اور اپنے ہی لوگوں کو ڈرائے اور دھمکائے، تو وہ حکومت نہیں رہتی۔
افغانستان میں طالبان عبوری حکومت میں جہاں ایک جانب شدت پسند اور سخت گیر عناصر کا قبضہ ہے اور ان کی پالیسیوں کے باعث ا فغانستان دنیا کے ممالک میں ایک علیحدہ، تنہا اور سفارتی تعلقات سے محروم بے یار و مددگار ملک نظر آتا ہے، ایک ایسا........

© Mashriq