Ertzaintzak Errenteriako Erdialdean jardunean zen piketeetako bateko kide bat atxilotu duela jakinarazi du Oarso Bidasoko Hitzak. 09:00etan hasi dira herriaren Erdialdetik bere zereginarekin informazio eta aldarrikapen taldeak, eta Niessen merkatalgunean izan ondoren, Iztieta aldean Ertzaintza piketearen kontra oldartu, eta bertan zenetako bat atxilotu egin du. Taldean zeudenen kontrako karga ere egin du.

Hedabideak adierazi duenez, “oso era bortitzean” atxilotu dute. Lurrera bota dute atxilotua, eta han jarri dizkiote eskuburdinak. Piketean zirenetako hainbat kolpatu egin ditu poliziak. Atxilotua Errenteria-Oreretako Ertzain Etxera eraman dute.

© La Haine