15 اگست 1977 کو امریکی ریاست اوہائیو کی بگ ایئر ریڈیو آبزرویٹری معمول کے مطابق آسمان سے آنے والے ریڈیو سگنلز ریکارڈ کر رہی تھی۔ اسی دوران اس نے ایک ایسا سگنل پکڑا جو صرف 72 سیکنڈ تک جاری رہا، مگر اس کی طاقت، فریکوئنسی اور ساخت اتنی غیر معمولی تھی کہ وہ بعد میں فلکیات کے مشہور ترین اسرار میں شمار ہونے لگا۔ جب ماہرِ فلکیات جیری ایہمن نے چند دن بعد پرنٹ شدہ ریڈنگ دیکھی تو ان کی نظر حروف اور اعداد کی ایک خاص ترتیب پر پڑی۔ انہوں نے اس ترتیب کے گرد دائرہ بنایا اور ساتھ صرف ایک لفظ لکھا: Wow! اسی لفظ کی وجہ سے یہ واقعہ تاریخ میں واو! سگنل کے نام سے مشہور ہوگیا۔

اصل ریڈنگ 6EQUJ5 تھی اور یہ کوئی بے معنی کوڈ نہیں تھا۔ بگ ایئر ٹیلی اسکوپ کا کمپیوٹر ہر تقریباً 12 سیکنڈ کے وقفے میں مختلف ریڈیو شدت کو ایک مخصوص علامت میں تبدیل کرکے پرنٹ کرتا تھا۔ اس نظام میں 0 سے 9 تک کے اعداد نسبتاً کم شدت کے سگنل ظاہر کرتے تھے، جبکہ زیادہ طاقت کے لیے انگریزی حروف استعمال ہوتے تھے۔ اس پیمانے پر 6 ایک مخصوص شدت، E اس سے زیادہ، Q اس سے بھی زیادہ، U سب سے بلند درج شدہ شدت، پھر J کمی اور آخر میں 5 مزید کمی کو ظاہر کرتا تھا۔ یوں 6EQUJ5 دراصل سگنل........

© Daily Urdu (Blogs)