Storaas skriv at NU støttar «tamreinindustrien». Eg kan ikkje sjå at verken NU eller moderorganisasjonen Naturvernforbundet har gått ut med noka støtte til dagens form for reindrift. Det dei har gjort er å samarbeide med reindrifta, Sametinget og ei mengde andre organisasjonar og miljø mot naturinngrep i reindriftsområde.

Desse inngrepa, som vind- og vasskraft, kraftlinjer, gruver og militære anlegg, er eit felles trugsmål mot både planter, dyr, reindrift, friluftsliv, turisme og ofte bumiljø. Desse gruppene har funne ut at dei på kvart sitt grunnlag har interesse av å stoppe dei planlagte inngrepa, og at dei derfor bør samarbeide trass i at dei ikkje er samde om alt. På same vis samarbeider kystfiskarar, laksefiskarar og oppdrettsnæring mot gruveavfall i fjordane, sjølv om dei kan vere usamde om fiskeripolitikken.

Les også:

© Ságat