ملک کے ارد گرد پائی جانے والی نازک صورتحال کا ادراک اب منتخب ایوانوں میں بھی ہو رہا ہے سینٹ اور قومی اسمبلی دونوں میں اس صورتحال پر ارکان اپنی رائے دے رہے ہیں نائب وزیراعظم اسحاق ڈار نے سینٹ میں اہم بیان دیا قومی اسمبلی میں موجودہ سیکیورٹی صورتحال تناظر میں قواعد کے تحت روزمرہ کے ا یجنڈا کو معطل کیا گیا گزشتہ روز نجی کاروائی کا دن تھا اور ایجنڈے پر 95 سے زیادہ آئٹمز موجود تھے تاہم انہیں روک کر صورتحال پر بحث کا آغاز کروایا گیا،قومی اسمبلی کا ایوان پرامن رہا اور کسی قسم کی کوئی تلخی رونما نہیں ہوئی ، تمام ارکان نے اپنے خطاب میں ایران کے روحانی رہنما آیت اللہ علی خامنائی اور دیگر شہداء کے لیے تعزیت پیش کی  قومی اسمبلی میں متعدد ارکان ابھی خطاب کرنا چاہتے تھے تاہم ڈپٹی سپیکر نے بار بار انہیں یاد دہانی کروائی کہ افطار ہونے والا ہے،اور ملازمین نے گھر بھی جانا ہے اس لیے خطاب کو مختصر رکھیں۔ سینٹ اجلاس کل 11:30 بجے ہوگا۔

© Nawa-i-Waqt