کل 16 دسمبر کا دن گزرا۔ ایک دن پہلے خبر چھی کہ کل یوم سقوط ڈھاکہ منایا جائے گا‘ لیکن کہاں منایا گیا‘ کچھ پتہ نہیں چلا۔ 16 دسمبر کا دن سقوط ڈھاکہ کے علاوہ پشاور کے سکول میں سینکڑوں بچوں کے قتل کا دن بھی ہے۔ ایک قدر مشترک قتل عام تو دوسری قدر مشترک۔یہ ’’المیہ‘‘ بھی ہے کہ ذمہ داروں کا پتہ نہ اس سانحے سے پہلے چلا نہ اس سانحے کے بعد۔ پی ٹی آئی جب برسراقتدار آئی تو پہلا کام یہ کیا کہ قتل عام کے ایک مجرم یا ملزم احسان اللہ احسان کو ’’باعزت‘‘فرار قرار کرایا اوردوسرا یہ کام کیا کہ قتل عام کرنے والی ٹی ٹی پی سے مذاکرات بلکہ مواخات کے عمل کا ڈول ڈالا۔ وہی مواخات جس کے بارے میں گزشتہ ہفتے سرکاری ادارے نیکٹا نے ایوان کو بتایا کہ اس کی آڑ میں ٹی ٹی پی واپس کھلے میدان میں آئی۔ اپنی طاقت بڑھائی‘ جلسوں کا دائرہ پھیلایا اور بلوچستان میں بھی اپنے پنجے گاڑ لئے۔ مواخات کے اسی عمل کا نتیجہ یہ بھی نکلا کہ سکول کے قتل عام میں جو بچے شہید کئے گئے‘ ان کے والدین کا عرصہ حیات تنگ کر دیا گیا۔ جس نے بھی مطالبہ کیا کہ میرے بچوں کے قاتل کو ڈھونڈو‘ اسے پولیس نے لاٹھیوں پر دھر لیا یا جیل میں ڈال دیا اور میڈیا کو بھی یہ حکم ملا کہ قتل عام پر احتجاج کرنے والے والدین کو ’’کوریج‘‘ مت دو۔

صاحب امر بالمعروف اس پالیسی کی ’’حکمت‘‘ مصلحت یا ضرورت پر شاید کبھی روشنی ڈالیں۔ سنا ہے‘ جیل میں فرصت ہی فرصت ہوتی ہے اور سنا ہے جلدہی انہیں یہ فرصت ملنے والی ہے۔ جس نے زندگی بھر کسی کتاب کو ہاتھ تک نہیں لگایا‘ کیا پتہ وہ اس فرصت سے فائدہ اٹھا کر کوئی کتاب ہی لکھ ڈالے اور اس ماجرے پر ضروری........

© Nawa-i-Waqt