O traspaso da AP-9 e as escusas de mal pagador do PP |
A parálise institucional e o tacticismo partidista volven amosar a alarmante falla de ambición nacional que aferrolla ao Goberno galego. O recente acordo parlamentario acadado no Congreso entre o BNG, o PSOE e Sumar para desbloquear o traspaso integral da autoestrada AP-9 a Galicia constitúe, sen dúbida, un fito xurídico e político de primeira magnitude. Porén, a inmediata negativa do Partido Popular de Alfonso Rueda a apoiar o texto —aducindo unha suposta falla de garantías financeiras— non resiste unha análise técnica rigorosa. Estamos ante un flagrante ataque de ciumes políticos, unha rabeira partidista de quen prefire que Galicia siga discriminada polo centralismo viario antes que admitir un logro histórico liderado pola oposición soberanista. É o eterno retorno do conformismo dependente: preferir o........