Münâcât

Nihanî

(Edirne? 1483-Edirne? 1547?)

1 Benüm derdüme dermân eyle yâ Rab
Refîkum her dem îmân eyle yâ Rab

2 Mey-i ‘ışkıyla tâ-rûz-ı kıyâmet
Beni sermest ü hayrân eyle yâ Rab

3 Gönül kim olmadı ışkunla ma’mûr
İmâret itme virân eyle yâ Rab

4 Tehî-destüm fakîrüm dil-şikeste
Bana in’am u ihsân eyle yâ Rab

5 Halîl’ün hakkı ki itdün nârı gülzâr
Benüm kabrüm gülistân eyle yâ Rab

6 Şu dem kim cân ide tenden vedâ’ı
Dilinde zikrün âsân eyle yâ Rab

7 Enîsüm hem-demüm yârum refîkum
Dem-i âhirde Kur’ân eyle yâ Rab

8 Nihânî cürmin añup kanlar ağlar
Sen ânı şâd u handân eyle yâ Rab

1 Ya Rab, benim........

© İnsaniyet