Comprometerse |
CASE QUE todos os que estudamos Historia e somos —ou fomos— profesores desa materia cremos que Marc Bloch é o mellor historiador do século XX. Ou se non o mellor —quizais habería que facerlle un oco a Braudel ou Hobsbawm—, o máis influínte, pois foi pai intelectual doutros moitos. Fundou a revista Annales a carón de Lucien Febvre e estudou, sobre todo, a Idade Media e a crenza de que os reis podían curar enfermidades mediante a imposicións de mans. En realidade este tema tan alleo ao lector actual permitiulle afastarse da historia dos grandes acontecementos e persoeiros e centrarse, por vez primeira na historiografía, no que ocorría cos ninguén dos tempos pasados.
Malia isto, ao final da súa vida o Bloch personaxe público e mesmo heroe derrotou para sempre ao Bloch historiador. O seu libro máis famoso tivo pouco que ver coa Historia na súa........