Chega a calor... e as carrachas |
Burras no curro de Torroña do pasado domingo. / Pedro Mina
Chega a calor e chegan as carrachas. Foi o tema de conversa hai uns días entre as nais e pais que nos xuntamos para ver xogar as crianzas pola miña parroquia. É que hai moito medo con elas. «Xa non imos aos curros —que é como lle chamamos no sur ás cercas de pedra onde xuntan ás bestas ou burras para a rapa— por iso», dicíame un pai. «Nós tampouco», contesteille. Seguro que esaxeramos. Ou non. Porque sei non dun, nin dous, nin tres, senón de máis casos de coñecidos que o pasaron moi mal pola picadura destes bechos. Ou, mellor dito, polas enfermidades que lles transmitiu esta especie de ácaro que parece sacado doutro mundo. Carrachas sempre as houbo, pero a enfermidade de Lyme ou a febre exantemática mediterránea non. Isto é novo, e bromas, as xustas.
Vendo bulir aos rapaces, relatáronse varias destas historias que case acabaron........