Hamaika egun, 2.180 kilometro eta 3.436 lekuko-hartzeren ostean, Korrikak amaiera eman dio bere 24. edizioari Bilbon egindako ekitaldi jendetsuarekin. 'Euskara gara' lelopean, ... pasa den astean Atharratzetik abiatu zen AEK-k antolatutako euskararen aldeko martxak adin eta profil ezberdinetako milaka lagun bildu ditu, gau eta egun, etenik gabe, hizkuntzaren presentziak eremu guztiak hartu behar dituela aldarrikatzeko. Gaur plazaratuko dute antolatzaileek aurtengo edizioaren balorazioa, baina dagoeneko jaso dute, hainbat aldetatik, hurrengo edizioetarako hausnarketa sakona bultzatzeko eskaera, aldarrikapenak egiteko moduari eta ekimenak izan behar duen izaera bateratzaileari dagokionez batez ere. Izan ere, Korrikaren antolatzaileek beraiek maiz azpimarratu dute euskararen aterpean askotariko pertsonak eta eragileak sartzea ezinbestekoa dela, guztiok garelako beharrezko euskararen biziraupena bermatzeko. Horretarako, baina, premiazko baldintza da aterpe horretan denok eroso sentitzea, eta aurtengoan ere lasterketaren inguruan sortu diren polemikek agerian utzi dute egun ez dela halakorik ematen. Martxa abian jarri aurretik CC OO kanpoan uzteak hautsak harrotu zituen, baina kritika gogorrenak gero iritsi dira, terrorismoaren biktimen erakundeek ibilbideko hainbat unetan ETAko presoen irudiak erabili izana salatu dutenean. Eta ez dira bakarrak izan. Eusko Jaurlaritzak berak «mingarritzat» jo du jarrera hau eta, oro har, gero eta gehiago dira hizkuntza baten aldeko aldarrikapenak biktimen sentsibilitatea kaltetu gabe egitea exijitzen dutenak. Euskarak horren guztiaren gainetik beharko lukeelako.

Euskal eragileak bat datoz hizkuntza larrialdi egoeran dagoela nabarmentzerakoan. Azken azterketen arabera, etorkizun hurbilean gero eta gehiago izango dira nagusiki erdaraz inguratuta bizi diren euskal hiztunak; arnasguneak desagertzeko bidean daude, eta oro har arlo guztietan atzerakada zantzuak antzematen dira. Testuinguru honetan, argi dago euskarak biziraungo badu, elkarlanaren bidetik izango dela. Eta ez da komenigarria zeregin horretan inor kanpoan uztea. AEK-k berak azaldu izan du Korrikaren helburua ahalik eta jende gehien euskarara hurbiltzea eta bertan geratzea dela: euskaraz egin eta euskaran egon. Xede hori oztopatzen duten keinu, jarrera eta erabaki oro alboratzea erantzukizunez jokatzea litzateke. Badago horretarako tartea. Euskarak ez du gutxiago merezi.

Límite de sesiones alcanzadas

El acceso al contenido Premium está abierto por cortesía del establecimiento donde te encuentras, pero ahora mismo hay demasiados usuarios conectados a las vez.

Por favor, inténtalo pasados unos minutos.

Al iniciar sesión desde un dispositivo distinto, por seguridad, se cerró la última sesión en este.

Para continuar disfrutando de su suscripción digital, inicie sesión en este dispositivo.

¿Tienes una suscripción? Inicia sesión

© El Diario Vasco