پرائیویٹ سکول ٹیچرز کے المیے

سکولوں میں بچوں کو ٹیچرز سمجھاتی ہیں کہ آئین اور قانون کیا ہے، اخلاقیات اور قواعد کیا ہوتے ہیں، کیسے اچھے شہری اور اچھے انسان کو اپنے فرائض ادا کرنے چاہئیں۔ یومِ اقبال اور یومِ قائد اعظم پر بچوں کو عظیم قائدین کے متعلق درس دیے جاتے ہیں، اُن کے اقوال رٹائے نہ بھی جائیں تو دیواروں پر آویزاں ہوتے ہیں۔ خصوصاً قائداعظم کی اصول پرستی اجاگر کی جاتی ہے۔

یہ ٹیچرز کہاں سے آتی ہیں؟ زیادہ تر نے تدریسی ڈگری نہیں لی ہوتی اور اُن کا تعلق مڈل کلاس سے ہوتا ہے۔ عموماً شادی کی منتظر، ناکام شادی کے ملبے تلے دبی ہوئی، طلاق یافتہ اور مالی مشکلات کا شکار خواتین ٹیچرز بنتی ہیں، یا پھر وہ صرف بوریت دور کرنے آ جاتی ہیں۔ اُنھیں اپنی عملی زندگی میں کہیں بھی کوئی قوانین نہیں ملے ہوتے۔ بس وہ ڈیمو دیتی ہیں اور کہیں نہ کہیں جاب مل جاتی ہے۔ گجرات، ساہیوال، فیصل آباد اور سرگودھا جیسے علاقوں میں بی گریڈ قرار دیے گئے لوئر مڈل کلاس سکولوں میں تنخواہیں بارہ تا پچیس ہزار ہیں۔ اکثر جیب خرچ بنانے،........

© Daily Urdu