نیند پوری نہ ہوئی خواب مکمل نہ ہوا

ہمارے وقتوں میں پنجاب پبلک سروس کمیشن کا امتحان بہت مناسب وقت پر ہوتا تھا اور ہاؤس جاب کے دوران ہی امتحان ہوا اور ہاؤس جاب ختم ہونے سے پہلے ہی رزلٹ آ گیا۔ میری بہت اچھی پوزیشن تھی اور لاہور میں تعیناتی کے روشن امکانات تھے لیکن ایک آدھ نئی پالیسی اور سفارش کی غیرموجودگی کی وجہ سے مجھے چک بتالیس ڈی اوکاڑہ بھیج دیا گیا۔ کچھ عرصے کے بعد لاہور آنے کا موقع ضرور ملا اور اس وقت پی آئی سی بالکل نیا بنا تھا اور تدریسی اسپتال کے درجے میں نہیں آتا تھا۔ نوکری بھی مل گئی لیکن والدین کی بیماری اور بہت سے مشکل حالات نے مجھے مجبور کیا کہ مجھے رشتہ ازدواج میں منسلک ہو جانا چاہئیے۔

میں اس وقت ستائیس سال کا تھا جب ہم نے ایک دوسرے کا ہاتھ تھام لیا۔ شانہ بشانہ چلتے ہوئے بتیس طویل اور خوبصورت سال گزر گئے۔ شروع کے بہت مشکل سال تھے لیکن عروسی زندگی مشکل دنوں کو آسان تر بنا دیتی ہے۔ اس وقت میں ایف آر سی ایس کا سوچتا تھا لیکن ہنوز دلی دور است۔ بس فقط دو مسئلے حل طلب تھے۔ ایک گھر کے کچھ صحت کے مسائل اور دوسرے امتحان دینے کیلئے مالی وسائل کی کمی۔

ایک ہی مسئلہ تا عمر مرا حل نہ ہوا نیند پوری نہ ہوئی خواب مکمل نہ ہوا

جن دنوں میں میں نے پڑھائی شروع کر دی، امبر نے بیکن ہاؤس میں پڑھانا شروع کیا۔ لاہور کالج میں مریم نواز شریف امبر کی کلاس فیلو رہی تھیں اور اُن کی صاحبزادی مہرالنساء میرے بڑے بیٹے کی نرسری میں کلاس فیلو تھیں لیکن یہ کوئی فخر کی بات نہیں........

© Daily Urdu