Dorahe Par Khara Pakistan |
دوراہے پر کھڑا پاکستان
قوموں کی زندگی میں کچھ لمحے ایسے آتے ہیں جب راستے بدلتے نہیں، تقدیریں بدلتی ہیں۔ آج پاکستان بھی ایک ایسے ہی دوراہے پر کھڑا ہے جہاں ہر سمت ایک نئی کہانی کی طرف لے جا سکتی ہے۔ ایک راستہ استحکام، سنجیدگی اور قومی یکجہتی کی طرف جاتا ہے، جبکہ دوسرا انتشار، بے یقینی اور داخلی کمزوری کی طرف۔ سوال صرف یہ نہیں کہ حالات خراب ہیں، سوال یہ ہے کہ ہم ان حالات سے کیا سیکھ رہے ہیں۔
ملک کا سیاسی منظرنامہ شدید تقسیم کا شکار ہے۔ اختلافِ رائے جمہوریت کا حسن ہوتا ہے، مگر جب یہی اختلاف ذاتی دشمنی میں بدل جائے تو جمہوری عمل کمزور پڑ جاتا ہے۔ حکومت اور اپوزیشن ایک دوسرے کو تسلیم کرنے کے بجائے ایک دوسرے کو مٹانے کی سیاست کر رہی ہیں۔ پارلیمنٹ میں مکالمے کی روایت کمزور پڑ چکی ہے اور قانون سازی اکثر وقتی اکثریت کے زور پر کی جاتی ہے۔ جب سیاسی استحکام نہ ہو تو ریاستی پالیسیوں میں تسلسل ممکن نہیں رہتا اور یہی عدم تسلسل معیشت سمیت ہر شعبے کو متاثر کرتا ہے۔
معاشی صورتحال عام شہری کیلئے سب سے بڑا امتحان بن چکی........