79 سال بعد: ہم نے آزادی سے کیا پایا؟

14 اگست کا دن آتے ہی پورا پاکستان سبز و سفید رنگ میں رنگ جاتا ہے۔ گلیاں، بازار اور عمارتیں قومی پرچموں سے سج جاتی ہیں، ملی نغموں کی آوازیں فضا میں گونجنے لگتی ہیں اور ہر طرف جشنِ آزادی کا ماحول نظر آتا ہے۔ مگر ہر سال یومِ آزادی ہمیں صرف جشن منانے کا موقع نہیں دیتا بلکہ ایک اہم سوال بھی ہمارے سامنے رکھتا ہے: 79 سال بعد ہم نے آزادی سے کیا پایا اور اس آزادی کے تقاضے کس حد تک پورے کیے؟

پاکستان ایک طویل جدوجہد اور بے شمار قربانیوں کے بعد معرضِ وجود میں آیا۔ برصغیر کے مسلمانوں نے ایک ایسے آزاد وطن کا خواب دیکھا جہاں وہ اپنی مذہبی، تہذیبی اور سیاسی شناخت کے ساتھ زندگی گزار سکیں۔ لاکھوں لوگوں نے ہجرت کی، اپنے گھر بار چھوڑے اور اپنے مستقبل کو ایک نئے وطن کے ساتھ وابستہ کیا۔ یہ آزادی کسی تحفے کے طور پر نہیں ملی بلکہ اس کے پیچھے نسلوں کی جدوجہد اور قربانیاں موجود ہیں۔

قائداعظم محمد علی جناح نے پاکستان کے لیے ایک ایسی ریاست کا تصور پیش کیا تھا جہاں قانون کی بالادستی ہو، شہریوں کو بنیادی حقوق حاصل ہوں اور ریاست ہر فرد کے ساتھ انصاف کرے۔ آج 79 برس بعد جب ہم اپنے ملک کا جائزہ لیتے ہیں تو بلاشبہ بہت سی کامیابیاں ہمارے سامنے آتی ہیں۔ پاکستان نے مشکل حالات کے باوجود اپنی شناخت قائم رکھی، دفاعی میدان میں مضبوط مقام حاصل........

© Daily Urdu