Green Pakistan Aur Aik Fard Ki Jad o Jehad |
گرین پاکستان اور ایک فرد کی جدوجہد
ماحولیاتی تبدیلی آج دنیا کا سب سے بڑا مسئلہ بن چکی ہے اور پاکستان ان ممالک میں شامل ہے جو اس کے اثرات سب سے زیادہ محسوس کر رہے ہیں۔ بڑھتی ہوئی گرمی، بے ترتیب بارشیں، خشک سالی، سیلاب اور فضائی آلودگی ہمارے ماحول کے لیے سنگین خطرات بن چکے ہیں۔ ایسے حالات میں "گرین پاکستان" صرف ایک نعرہ نہیں بلکہ قومی ضرورت بن چکا ہے۔ لیکن ایک اہم سوال یہ ہے کہ کیا یہ خواب صرف حکومتی منصوبوں سے پورا ہو سکتا ہے؟ حقیقت یہ ہے کہ اس خواب کی تکمیل کے لیے معاشرے کے ہر فرد کو اپنا کردار ادا کرنا ہوگا۔
پاکستان میں جنگلات کا کل رقبہ تقریباً 5 فیصد کے قریب ہے، جبکہ ماہرین کے مطابق ماحولیاتی توازن برقرار رکھنے کے لیے کم از کم 20 سے 25 فیصد رقبہ جنگلات پر مشتمل ہونا چاہیے۔ اس فرق کو پورا کرنا ایک بڑا چیلنج ہے، جو صرف سرکاری مہمات سے ممکن نہیں بلکہ عوامی شمولیت........