گھریلو ناچاقیوں کی وجہ عورت ہے؟

گھر انسانی تہذیب کی سب سے پہلی درسگاہ ہے جہاں کردار بنتے ہیں، رویے پروان چڑھتے ہیں اور نسلوں کی بنیاد رکھی جاتی ہے۔ اسی گھر کی دیواریں محبت، اعتماد اور برداشت سے قائم رہتی ہیں۔ جب یہ عناصر کمزور پڑ جائیں تو رشتے بوجھ محسوس ہونے لگتے ہیں اور چھوٹی چھوٹی باتیں بڑے تنازعات میں بدل جاتی ہیں۔ آج کے دور میں گھریلو ناچاقیوں میں اضافہ ایک حقیقت ہے مگر اس حقیقت کو سمجھنے کے لیے جذباتی نعرے بازی کی بجائے سنجیدہ تجزیے کی ضرورت ہے۔ یہ سوال کہ کیا گھریلو ناچاقیوں کی وجہ عورت ہے ایک پیچیدہ سماجی سوال ہے جس کا جواب سادہ ہاں یا ناں میں دینا ممکن نہیں۔

گھریلو نظام ایک فریق پر قائم نہیں ہوتا بلکہ یہ دو انسانوں کے باہمی تعلق سے وجود میں آتا ہے۔ جب اس تعلق میں بگاڑ پیدا ہوتا ہے تو اس کے پیچھے کئی عوامل کارفرما ہوتے ہیں۔ معاشی دباؤ، معاشرتی تبدیلیاں، ذہنی تناؤ اور بدلتے ہوئے نظریات سب مل کر خاندان کے اندر فاصلے پیدا کرتے ہیں۔ تاہم ہمارے ہاں اکثر الزام ایک ہی فریق پر ڈالنے کا رجحان پایا جاتا ہے اور وہ فریق عموماً عورت ہوتی ہے۔ یہ طرزِ فکر مسئلے کو حل کرنے کی بجائے مزید گہرا کر دیتا ہے۔

یہ تاثر کہ عورت گھر کو بنانے کی........

© Daily Urdu (Blogs)