پیشہ ورانہ تعلیم کا نیا ماڈل

پاکستان اس وقت ایک ایسے معاشی اور تعلیمی دوراہے پر کھڑا ہے جہاں روایتی طرزِ تعلیم اور بدلتی ہوئی عالمی منڈی کے تقاضوں کے درمیان فاصلہ تیزی سے بڑھتا جا رہا ہے۔ ایک طرف والدین کے لیے اپنے بچوں کی اعلیٰ تعلیم کے اخراجات برداشت کرنا مشکل سے مشکل تر ہوتا جا رہا ہے جبکہ دوسری طرف جامعات مالی دباؤ، محدود حکومتی وسائل اور کم ہوتے تحقیقی فنڈز کے باعث اپنی بقا کی جنگ لڑ رہی ہیں۔ ایسے ماحول میں اگر کوئی جامع، قابلِ عمل اور دور رس نتائج کی حامل تجویز سامنے آتی ہے تو اسے سنجیدگی سے زیرِ غور لانا وقت کی اہم ضرورت بن جاتی ہے۔ ممتاز ماہرِ تعلیم پروفیسر ڈاکٹر محمد نظام الدین کی جانب سے پیش کیا جانے والا یہ خیال کہ پاکستان کی تمام سرکاری اور نجی جامعات میں ’’اسکول آف پروفیشنل اسٹڈیز‘‘ قائم کیے جائیں، بلاشبہ ایک ایسا ہی انقلابی تصور ہے جو نہ صرف پاکستانی طلبہ کے مستقبل کو محفوظ بنا سکتا ہے بلکہ ملکی جامعات کو بھی پائیدار ترقی کے راستے پر گامزن کر سکتا ہے۔ دنیا بھر میں اعلیٰ تعلیم کے شعبے میں تیزی سے تبدیلیاں رونما ہو رہی ہیں۔ روایتی چار سالہ ڈگری پروگرام اب اکیلے کامیابی کی ضمانت نہیں رہا بلکہ مہارت، تخصص اور عملی تجربہ زیادہ اہمیت اختیار کر چکے ہیں۔ امریکہ، برطانیہ، جرمنی، کینیڈا، آسٹریلیا اور سنگاپور سمیت متعدد ترقی یافتہ ممالک کی جامعات نے اپنی روایتی ڈگریوں کے ساتھ مختصر دورانیے کے پیشہ ورانہ سرٹیفکیٹس، مائیکرو کریڈینشلز اور ڈپلومہ پروگرامز بھی متعارف کروا رکھے........

© Daily 92 Roznama