Me må snakke om den digre elefanten som går rundt på Nord-Jæren |
DEBATT: No er det på tide å løfte blikket og sjå den digre, godslege elefanten som labbar rundt på Nord-Jæren.
Fredag kjem kommunekomiteen med rapporten sin. Det store spørsmålet er om det finst plass i skrivebordsskuffa til endå ein rapport som ikkje blir brukt til noko som helst.
På Nord-Jæren brukar vi milliardar av kroner på offentlege bygg innanfor eit svært avgrensa geografisk område – utan at investeringane blir sette i samanheng. Rådhus, skular og administrasjonsbygg blir planlagde og bygde kommune for kommune, som om vi ikkje delte både bu- og arbeidsmarknad, kompetanse og framtidige utfordringar.
Om vi definerer Nord-Jæren som Stavanger, Sola og Randaberg, snakkar vi om eit område på 337 km² med rundt 200.000 innbyggjarar. Innanfor dette avgrensa området er det dei siste fem åra brukt om lag 2 milliardar kroner – berre på rådhus.
Sola opna i 2019 nytt rådhus til 353 millionar kroner. Stavanger byggjer no nytt rådhus til 590 millionar kroner. Randaberg har ingen konkrete planar om nytt kommunehus, men planlegg oppgraderingar i åra som kjem.
I tillegg byggjer Rogaland fylkeskommune nytt........