We use cookies to provide some features and experiences in QOSHE

More information  .  Close
Aa Aa Aa
- A +

A.A - Ağ adam, Ağrılar adamı... - İradə Tuncay yazır

2 0 0
01.04.2019

Az qala hamı bilir, dünyada Gülüş günü kimi qeyd olunan 1 aprel həm də tanınmış yazıçı, jurnalist, millət vəkili Aqil Abbasın doğum tarixidir.

Aqil Abbas “525-ci qəzet”, onun kollektivi üçün sadaladığımız bu titullardan əlavə, həm də sevimli bir insan kimi doğma və əzizdir. Az qala ənənəyə çevrilib, hər il 1 aprel günü ərəfəsində “525” bu əziz və doğma insanın doğum gününü mütləq bir yazı ilə qeyd etməyə çalışır.

Bu dəfə də belə oldu. İki-üç gündür, Aqil müəllimin budəfəki ad gününü hansı yazı ilə qeyd edəcəyimizi düşünürdük ki, “Ədalət” qəzetinin baş redaktoru, yazıçı, publisist, sevimli İradə Tuncayın “A.A - AĞ ADAM, AĞRILAR ADAMI...” adlı yazısı dadımıza çatdı. Bu iltifatına və belə gözəl yazısına görə əziz İradə xanıma təşəkkürümüzü bildirir, sevimli Aqil müəllimi isə doğum günü münasibəti ilə təbrik edir, cansağlığı və yeni-yeni yaradıcılıq uğurları arzulayırıq. Və yazını “525”in oxucularına təqdim edirik.

“525”

Hara gedirik...

Maşının radiosu danışır - əsirlikdə qalan qız-gəlinlərimiz...

İndiyə qız-gəlin qalar - deyirəm dodağımın altında. Guya mövzunu dəyişir ...

Bəlkə yüzüncü dəfədi eyni söhbəti dinləyirəm:

- Ağdamda bir qonşumuz vardı. Davada olmuşdu. Plen olanda orda azərbaycanlı zabit aparıb öz bağında işlətmişdi onu, Fransada. Sorğu-sual eləmişdi ki, inansın. Yolu soruşmuşdu - demişdi, bir Ağdamdan Gəncəyə gəl görüm. O da izah eləmişdi. Sonra qaçmağa kömək eləmişdi.

- Əsirlikdən qaçmağa?

- Hə ...

- Nemeslər bəs? O zabit sonra nə cavab verib? Deməyiblər bəs, hara getdi plen?

- Həə, deyib mənim əl-qolumu bağlayarsız. Bir yumruq da vurarsız inanarlar.

- Kino danışırmış sənin o qonşun.

- Nə kino, bala? Həmişə ağlayırdı davadan danışanda. Həm də deyirdi kinoda ukrainləri düz göstərmirlər. Hamısı satqın olub.

- Kimi satıblar?

- Soveti.

- Həə... Xalqlar dostluğu prinsipin gözləyiblər də. Siyasət belə idi o vaxt. Ağlamağı da yəqin Fransadan qayıdıb burda yaşamağına görəymiş. Bəs, tutmamışdılar onu? Özün demişdin axı tutulub.

- Hə. Tutulmuşdu. Burda istintaq edən də bizimkilərdən imiş. On il veriblər gedib. Ordan gətirmişdi arvadını da. Sibirdən...

- Arvadını görmüşdüm. Yazıq rus dilini də unutmuşdu. Danışırdım cavabı bizim dildə verirdi. Klava xala... Ağdamda kimlə rusca danışsın ki?

Susur bir anlıq. Bilirəm indi də hərbi hissədəki rus uşaqlarından, rus məktəbindən, “Üfüqdə parıltı” oyunundan danışacaq. Ağdamda rus dilini bilənlərin az........

© 525-ci Qəzet