Na procura da palabra do ano compiten unha mestura de iniciativas populares nas que a xente tende a pórse reivindicativa (rulaba Palestina) ou sentimental (o feitiño finalmente escolleito), e as propostas máis analíticas da RAG (Dereitos Humanos, cooficialidade, educación emocional, biodiversidade e cibercarracho) que seica resumen 2023 en palabras nosas.

Pero como non son feitiña, aínda que si bastante xeitosa para a filoloxía aínda que os meus correctores editoriais teimen en non decatárense, estou fascinada pola tendencia pouco enxebre das propostas deste ano. A RAG tivo que lembrarlle á plebe castelanizada que riquiño non pode proporse por ser palabra non galega, pero o certo é que catro das súas cinco candidaturas tamén poderían ser propostas pola Real Academia de Alaska ou pola de Burundi. Perdemos xa tanta galeguidade que as palabras que comezan a definir os nosos anos non se distinguen das que definen os anos dun protestante de Ohio?

Eu, que xa digo que de feitiña teño pouco, reivindico a capacidade das academias para convencernos de que a lingua muda a realidade, e que o saber sobre as palabras propias preserva a identidade: desde que a un académico propuxo cibercarracho (as posibilidades de que sexa muller son só do 32 %), xa non é posíbel non guindarlla xenuinamente en galego a quen delinca en internet, pero non terá dereito a sentirse insultado. «É un cibercarracho Elon Musk?», poderiamos titular un artigo. «Cibercarracho detido en Melide», poderá escribir La Voz. A RAG á fin foi audaz, fuxiu da cursilería, e logrou que sorriamos, que falla nos fai como pobo.

QOSHE - Cibercarracho forever - Inma López Silva
menu_open
Columnists Actual . Favourites . Archive
We use cookies to provide some features and experiences in QOSHE

More information  .  Close
Aa Aa Aa
- A +

Cibercarracho forever

3 0
16.12.2023

Na procura da palabra do ano compiten unha mestura de iniciativas populares nas que a xente tende a pórse reivindicativa (rulaba Palestina) ou sentimental (o feitiño finalmente escolleito), e as propostas máis analíticas da RAG (Dereitos Humanos, cooficialidade, educación emocional, biodiversidade e cibercarracho) que seica resumen 2023 en palabras nosas.

Pero........

© La Voz de Galicia


Get it on Google Play