We use cookies to provide some features and experiences in QOSHE

More information  .  Close
Aa Aa Aa
- A +

ہیٹ ٹرک اور عمران خان

6 0 0
12.02.2019

اگر پی ٹی آئی حکومت اپنی پانچ سالہ مدت پوری کر گئی تو ملک میں جمہوریت کی آخری بحالی کے بعد لگاتار یہ تیسری حکومت ہوگی جو اپنی مدت پوری کرے گی، گویا جمہوری حکومتوں کی ہیٹ ٹرک مکمل ہو جائے گی۔ اس سے پہلے پیپلز پارٹی اور مسلم لیگ (ن) کی حکومتیں (وزرائے اعظم نہیں) اپنی اپنی پانچ سالہ مدت پوری کر چکی ہیں۔ پاکستان میں آخری (اور چوتھا) اعلانیہ مارشل لاء جنرل پرویز مشرف نے 1999ء میں لگایا تھا اور پھر تین سال بعد 2002ء میں الیکشن کروا کر ایک کنگز پارٹی مسلم لیگ (ق) کی سلیکٹڈ حکومت قائم کی تھی جس نے تین وزرائے اعظم میرظفراللہ خان جمالی، چودھری شجاعت حسین اور شوکت عزیز کے ساتھ پانچ سالہ مدت پوری کی تھی۔

اس پورے دورانیہ میں دونوں بڑی عوامی پارٹیوں مسلم لیگ (ن) اور پیپلز پارٹی کی قیادت جلا وطن رہی تھی اور ان سنسان گلیوں میں جنرل پرویز مشرف کے رانجھے پھرتے رہے تھے۔ آٹھ سال بعد جب جنرل پرویز مشرف کے اقتدار کا سورج غروب ہو رہا تھا تو انہیں عوامی پارٹیوں کی عوامی قیادت کو وطن واپس آنے کی اجازت دینا پڑی تھی جس کے بعد بے نظیر بھٹو میاں نواز شریف اور میاں شہباز شریف واپس آ گئے تھے اور الیکشن لڑنے جا رہے تھے کہ بے نظیر بھٹو قتل کر دی گئیں۔

بہر حال 2008 کے الیکشن میں پیپلز پارٹی اور 2013 کے الیکشن میں مسلم لیگ (ن) کی وفاقی حکومتیں بنیں جنہوں نے اپنے اپنے پانچ سال پورے کئے، البتہ دونوں کا ایک ایک وزیر اعظم عدالت عظمیٰ نے نااہل کرکے بے دخل کیا اور متبادل وزیر اعظم کے ساتھ ان دونوں پارٹیوں نے اپنی اپنی مدت پوری کی۔

میاں نواز شریف کو 2018ء کے الیکشن سے بارہ روز پہلے گرفتار کرکے جیل میں ڈال دیا گیا ، الیکشن کے نتائج کے مطابق پی ٹی آئی نے اپنے اتحادیوں کے ساتھ مل کر حکومت بنا لی اوربالآخر عمران خان پاکستان کے وزیر اعظم بن گئے۔ اب اگر پی ٹی آئی حکومت اپنے پانچ سال پورے کر لے تو جمہوری حکومتوں کی ہیٹ ٹرک ہو جائے گی۔ عمران خان کرکٹ کے بہت بڑے کھلاڑی تھے اور ان کی اصل وجہ شہرت بھی کرکٹ کے میدان میں ان کے کارنامے ہیں۔

یہ الگ بات ہے کہ اپنے اکیس سالہ کرکٹ کیرئیر میں عمران خان بطور باؤلر کبھی ہیٹ ٹرک نہیں کر سکے تھے۔پاکستان کے بہت سے........

© Daily Pakistan (Urdu)