یہ بات خوش آئند ہے کہ وطن عزیز میں عام انتخابات کے انعقاد کے بعد مرکز اور صوبوں میں حکومتیں قائم ہوچکی ہیں۔ حالیہ انتخابات میں عوام کی بھرپور دلچسپی سے ظاہر ہوتا ہے کہ پاکستان کا ہر شہری جمہوری عمل کے تسلسل پر یقین رکھتا ہے اور اس عمل کو آگے بڑھانا چاہتا ہے۔ اس تناظر میں اربابِ اختیار کو چاہیے کہ نہ صرف عوام کے جذبات و احساسات کا خیال رکھیں، بلکہ انہیں درپیش مسائل کے حل کے لئے وقت ضائع کئے بغیر مخلصانہ کوششیں کریں تاکہ عوام کے اعتماد کو ٹھیس نہ پہنچے۔

اِسی تناظر میں دوسری اہم بات یہ ہے کہ معاشی ترقی کا عمل اسی صورت کامیابی سے آگے بڑھ سکتا ہے جب ملک میں سیاسی استحکام ہو اور سیاسی استحکام تبھی ممکن ہے جب تمام سیاسی پارٹیوں کی قیادت اور کارکن ایک دوسرے کی رائے کا احترام کریں۔ اختلاف رائے جمہوری عمل کا حسن ہے، یہ حسن برقراررہے گا تو اقوام عالم ہمیں مہذب شہری تسلیم کریں گی، انتہاء پسندی کسی بھی نوعیت کی ہو نقصان دہ ہوتی ہے، اس سے ملک میں انتشار کی راہ ہموار ہوتی ہے اور ترقی کا عمل متاثر ہونے کے خدشات سر اٹھانے لگتے ہیں۔ ضرورت اِس امر کی ہے کہ ارباب اختیار اور اپوزیشن........

© Daily Pakistan (Urdu)