اگر کوئی یہ دعویٰ کرتا ہے پاکستان کی سیاسی فضاء میں اِس وقت کشیدگی موجود نہیں اور سب کچھ ہموار طریقے سے چل رہا ہے تو وہ یا حالات سے بے خبر ہے یا احمقوں کی جنت میں رہتا ہے۔ایک عام آدمی بھی محسوس کر رہا ہے ملک میں بہت سی انہونی چیزیں رونما ہو رہی ہیں۔الیکشن کمیشن کے اِس بار کردار نے وہ انتشار پیدا کیا ہے جو اب تک ختم ہونے کا نام نہیں لے رہا۔ اوپر سے عدلیہ کے معاملات روزانہ ایک نئی کہانی سناتے ہیں۔ ایک خط ججوں نے لکھا تھا، تو دوسرا آٹھ ججوں کو کسی نے مشکوک پاؤڈر سے بھرے دھمکی آمیز خط بھیج دیئے،مقدمہ درج ہو گیا ہے دیکھتے ہیں اس کٹھالی سے کیا برآمد ہوتا ہے۔اُدھر سینٹ کے انتخابات ہو گئے، مگر سینٹ مکمل نہیں ہو سکا۔ خیبرپختونخوا میں انتخابات نہیں ہو سکے جس کی وجہ سے اب چیئرمین سینٹ کے انتخاب کا معاملہ بھی لٹک گیا ہے۔وزیراعلیٰ خیبرپختونخوا نے دھمکی دی ہے غیر قانونی بننے والے ارکان کو حلف نہیں لینے دیں گے۔مخصوص نشستیں اُن کا حق ہے،جو نہیں دیا جا رہا،پیچھے نہیں ہٹیں گے آخری حد تک جائیں گے۔اُدھر عمران خان نے اڈیالہ جیل میں سماعت کے موقع پر میڈیا سے گفتگو کرتے ہوئے کہا ہے ان کی اہلیہ بشریٰ بی بی کو بنی گالہ میں زہر دیا گیا،جبکہ بشریٰ بی بی کا کہنا ہے میرے کھانے میں ہارپک کے تین قطرے ملائے گئے،جس سے اُن کی طبیعت خراب ہو گئی۔یہ سب باتیں اس حقیقت کو واضح کرنے کے لئے کافی ہیں کہ حالات سازگار نہیں۔ایک بے چینی اور تناؤ ہے جس نے ہماری........

© Daily Pakistan (Urdu)